ബിജു മേനോന്‍ നായകനായി ഏറ്റവും ഒടുവില്‍ തീയ്യേറ്ററുകളിലെത്തിയ ചിത്രമാണ് ‘സത്യം പറഞ്ഞാ വിശ്വസിക്കുവോ’. ചിത്രത്തിന് മികച്ച പ്രതികരണമാണ് തീയ്യേറ്ററുകളില്‍ നിന്ന് ലഭിച്ച് കൊണ്ടിരിക്കുന്നത്. വളരെ റിയലിസ്റ്റിക്കായ ചിത്രമാണ് ഇതെന്നാണ് പ്രേക്ഷകരുടെ അഭിപ്രായം. ഇപ്പോഴിതാ ചിത്രത്തെ പ്രശംസിച്ച് രംഗത്ത് എത്തിയിരിക്കുകയാണ് ‘ഇഷ്‌ക്’ സംവിധാനം ചെയ്ത അനുരാജ് മനോഹര്‍. ഫേസ്ബുക്കിലൂടെ ആണ് അദ്ദേഹം ചിത്രത്തെ പ്രശംസിച്ചത്.
ചിത്രം ലളിതവും മനോഹരവുമാണെന്ന് പറഞ്ഞ അനുരാജ് സ്വാഭാവിക അഭിനയം കൊണ്ട് സുധി കോപ്പ മനസ് നിറച്ചെന്നും ഫേസ്ബുക്കില്‍ കുറിച്ചു. ജി പ്രജിത്ത് സംവിധാനം ചെയ്ത ചിത്രത്തില്‍ നായികയായി എത്തിയത് സംവൃത സുനില്‍ ആണ്. അലന്‍സിയര്‍, സുധി കോപ്പ, സുധീഷ്, ശ്രീകാന്ത് മുരളി, വെട്ടുക്കിളി പ്രകാശ്, വിജയകുമാര്‍, ദിനേശ് പ്രഭാകര്‍, മുസ്തഫ, ബീറ്റോ, ശ്രീലക്ഷ്മി, ശ്രുതി ജയന്‍ തുടങ്ങിയവരായിരുന്നു ചിത്രത്തിലെ മറ്റ് താരങ്ങള്‍.
അനുരാജ് മനോഹറിന്റെ ഫേസ്ബുക്ക് പോസ്റ്റിന്റെ പൂര്‍ണ്ണരൂപം,
‘സത്യം പറഞ്ഞാല്‍ വിശ്വസിക്കുവോ’കണ്ടിറങ്ങിയപ്പോള്‍ കൂടെപ്പോന്ന ചിലരുണ്ട്. പ്രധാനമായും ഈ ഇരിക്കുന്ന മുതലാണ്.. സ്വാഭാവിക അഭിനയം കൊണ്ട് മനസ്സ് നിറച്ച സുധി കോപ്പയിലെ ‘താമര’. എഴുത്തിലെ തനിമയും നന്മയും നിറച്ച സമകാലിക കാലത്തെ മികച്ച തിരക്കഥാകൃത്ത് സജീവ് പാഴൂര്‍(എഴുത്തിലെ മികവ് അഭിനയത്തിലും)കലാസംവിധായകന്‍ നിമേഷ് താനൂര്‍,സംഗീത സംവിധായകന്‍ വിശ്വജിത്ത്. വരികളെഴുതിയ സുജേഷ് ഹരി ലളിതം സുന്ദരം
Discussion about this post