സോഷ്യല്‍ മീഡിയയില്‍ തരംഗമായി മാറി കൊണ്ടിരിക്കുകയാണ് ഫേസ് ആപ്പ്. നമ്മള്‍ വയസായാല്‍ എങ്ങനെയിരിക്കും എന്നറിയാന്‍ അവസരം ഒരുക്കുന്നതാണ് ഈ ആപ്പിന്റെ പ്രത്യേകത. എന്തായാലും യുവാക്കള്‍ക്കിടയില്‍ തരംഗമായ ഈ ആപ്പ് സിനിമാ താരങ്ങളും ഏറ്റെടുത്തിരിക്കുകയാണ്.
മലയാളത്തിലെ നിരവധി താരങ്ങളാണ് ഇതിനോടകം ഫേസ് ആപ്പ് ചിത്രങ്ങള്‍ സോഷ്യല്‍ മീഡിയയില്‍ പോസ്റ്റ് ചെയ്ത് രംഗത്ത് എത്തിയത്. ടൊവിനോ തോമസ്, കുഞ്ചാക്കോ ബോബന്‍, ജയസൂര്യ ,ജോജു തുടങ്ങിയവരാണ് ഫേസ് ആപ്പ് ചലഞ്ചുമായി രംഗത്ത് എത്തിയ താരങ്ങള്‍.
നീരജ് മാധവാണ് ആദ്യം ഫേസ് ആപ്പ് ഉപയോഗിച്ച് മഞ്ജു വാര്യരെ ഈ ചലഞ്ചിന് ക്ഷണിച്ചത്. ടൊവിനോ തോമസ്, കുഞ്ചാക്കോ ബോബന്‍, നിവിന്‍ പോളി, രമേഷ് പിഷാരടി എന്നിവര്‍ക്കൊപ്പമാണ് നീരജ് മഞ്ജുവിനെ ഫേസ് ആപ്പിലേക്ക് ക്ഷണിച്ചത്. പിന്നാലെ മഞ്ജുവും തന്റെ ഫേസ് ആപ്പ് ചിത്രം പങ്കുവച്ചു. ‘എന്നാ പിന്നെ ഞാനും ചലഞ്ച് അക്‌സപ്റ്റഡ്’ എന്ന് കുറിച്ചാണ് മഞ്ജു വാര്യര്‍ ചിത്രം പങ്കുവെച്ചത്.
താരങ്ങള്‍ക്ക് വയസായാല്‍ ഇങ്ങനെയിരിക്കും; സോഷ്യല്‍ മീഡിയയില്‍ തരംഗമായി ഫേസ് ആപ്പ്
