അല്ലു അര്‍ജുനന് ശേഷം മലയാളികള്‍ക്കിടയില്‍ ഹരമായി മാറിയ തെലുങ്ക് താരമാണ് വിജയ് ദേവരക്കൊണ്ട. ഇപ്പോഴിതാ തന്റെ പുതിയ ചിത്രത്തിന്റെ പ്രമോഷന്റെ ഭാഗമായി താരം കൊച്ചിയില്‍ എത്തുകയാണ്. ശനിയാഴ്ചയാണ് താരം കൊച്ചിയില്‍ എത്തുന്നത്.
‘ഡിയര്‍ കോമ്രേഡ്’ എന്ന ചിത്രത്തിന്റെ പ്രൊമോഷന്റെ ഭാഗമായാണ് താരം കൊച്ചിയില്‍ എത്തുന്നത്. താരത്തിനൊപ്പം ചിത്രത്തിലെ നായികയായ രശ്മിക മന്ദാനയും വരുന്നുണ്ട്.
കലൂര്‍ ഗോകുലം കണ്‍വന്‍ഷന്‍ സെന്ററില്‍ വൈകീട്ട് ആറ് മുതല്‍ ഒമ്പത് മണി വരെയാണ് പരിപാടികള്‍. പ്രവേശനം സൗജന്യമാണ്. കഴിഞ്ഞ ദിവസമാണ് ‘ഡിയര്‍ കോമ്രേഡ്’ എന്ന ചിത്രത്തിന്റെ ട്രെയിലര്‍ പുറത്തുവിട്ടത്. ട്രെയിലറിന് മികച്ച വരവേല്‍പ്പാണ് ആരാധകര്‍ നല്‍കിയത്. ചിത്രത്തിലെ പാട്ടുകള്‍ നേരത്തേ തന്നെ ഹിറ്റായിരുന്നു.
Discussion about this post