ബ്രഹ്മാണ്ഡ ചിത്രം ബാഹുബലിക്ക് ശേഷം പ്രഭാസ് നായകനായി എത്തുന്ന ബഹുഭാഷാ ചിത്രം ‘സാഹോ’യുടെ പുതിയ ടീസര്‍ പുറത്തുവിട്ടു. കിടിലന്‍ നൃത്ത ചുവടുകളുമായി എത്തുന്ന പ്രഭാസും ശ്രദ്ധയുമാണ് ടീസറില്‍ ഉള്ളത്.
സുജീത് റെഡ്ഡിയാണ് ചിത്രത്തിന്റെ സംവിധായകന്‍. ‘സൈക്കോ സയാന്‍’ എന്നു തുടങ്ങുന്ന ഗാനത്തിന്റെ ടീസറാണ് പുറത്ത് വിട്ടത്. ആദ്യ ഗാനം ജൂലൈ എട്ടിന് പുറത്തു വിടുമെന്ന് അണിയറപ്രവര്‍ത്തകര്‍ അറിയിച്ചിരിക്കുന്നത്. തെലുങ്ക്, ഹിന്ദി, തമിഴ്, മലയാളം ഭാഷകളിലാണ് ടീസര്‍ പുറത്ത് വിട്ടിരിക്കുന്നത്. ജിബ്രാനാണ് ചിത്രത്തിന്റെ പശ്ചാത്തല സംഗീതം ഒരുക്കിയിരിക്കുന്നത്.
മലയാളി താരം ലാല്‍, ജാക്കി ഷറോഫ്, നീല്‍ നിതിന്‍ മുകേഷ്, മന്ദിര ബേദി, ചങ്കി പാണ്ഡേ, മഹേഷ് മഞ്ജറേക്കര്‍, അരുണ്‍ വിജയ്, മുരളി ശര്‍മ, ടിനു ആനന്ദ്, ശരത് ലോഹിതഷ്വ, എവിലിന്‍ ശര്‍മ്മ, വെനില കിഷോര്‍ എന്നിവരാണ് ചിത്രത്തിലെ മറ്റ് താരങ്ങള്‍. ചിത്രം ഓഗസ്റ്റ് പതിനഞ്ചിന് തീയ്യേറ്ററുകളില്‍ എത്തും.
Discussion about this post