ബോളിവുഡിന്റെ ഹൃദയം കിംഗ് ഖാന് കവര്‍ന്നിട്ട് 27 വര്‍ഷങ്ങള്‍ പൂര്‍ത്തിയായിരിക്കുകയാണ്. ഈ അവസരത്തില്‍ താരത്തിന് രസകരമായ ആശംസകളുമായി രംഗത്ത് എത്തിയിരിക്കുകയാണ് ക്രിക്കറ്റ് ഇതിഹാസം സച്ചിന്‍. നേരത്തേ തന്റെ ചിത്രമായ ദീവാനയിലെ എന്‍ട്രീ സീന്‍ പുനരാവിഷ്‌കരിച്ചുകൊണ്ട് ഷാരൂഖ് ഒരു വീഡിയോ പങ്കുവെച്ചിരുന്നു. ഈ വീഡിയോയെ ഷെയര്‍ ചെയ്താണ് സച്ചിന്‍ രസകരമായ ആശംസ നേര്‍ന്നത്. ട്വിറ്ററിലൂടെയാണ് സച്ചിന്‍ ആശംസയറിച്ചത്.
ഷാരൂഖിന്റെ സൂപ്പര്‍ ഹിറ്റ് ചിത്രങ്ങളായ ബാസീഗാര്‍, ചക് ദേ, ജബ് തക് ഹെയ് ജാന്‍ എന്നിവയുടെ പേരുകള്‍ കൂട്ടിച്ചേര്‍ത്താണ് സച്ചിന്‍ ആശംസകള്‍ നേര്‍ന്നത്. പ്രിയ ബാസിഗാര്‍ ഒരിക്കലും ഹെല്‍മെറ്റ് വലിച്ചെറിയരുതെന്നും ബൈക്ക് ഓടിക്കുമ്പോള്‍ ഹെല്‍മെറ്റ് ധരിക്കണമെന്നുമാണ് താരത്തിന്റെ സിനിമകളുടെ പേരുകള്‍ ഉപയോഗിച്ച് സച്ചിന്‍ പറഞ്ഞത്. നമുക്ക് ഉടന്‍ തന്നെ കാണാമെന്നും സച്ചിന്‍ കുറിച്ചു.
തന്റെ ജീവിതത്തിന്റെ പകുതിയോളം സിനിമയില്‍ ആണ് ചെലവഴിച്ചത് എന്ന് പറഞ്ഞാണ് ഷാരൂഖ് ഈ വീഡിയോ പോസ്റ്റ് ചെയ്തത്. ബൈക്ക് ഓടിക്കുമ്പോള്‍ എല്ലാവരും ഹെല്‍മറ്റ് ധരിക്കണമെന്നും വീഡിയോയില്‍ താരം പറയുന്നുണ്ട്.
Dear Baazigar, don't 'Chuck' De helmet. Wear one when on a bike Jab Tak Hai Jaan.
Congratulations on completing 27 years! See you soon, my friend.— Sachin Tendulkar (@sachin_rt) June 29, 2019