കൊച്ചി: രജിഷാ വിജയന്റെ ഗംഭീര മെയ്‌ക്കോവര്‍ കൊണ്ട് ഇറങ്ങുന്നതിന് മുമ്പ് തന്നെ വാര്‍ത്തകളില്‍ ഇടംനേടിയ ചിത്രമാണ് ജൂണ്‍. ചിത്രം തീയ്യേറ്ററുകളില്‍ എത്തിയപ്പോള്‍ പ്രേക്ഷകര്‍ക്ക് സമ്മാനിച്ചതാകട്ടെ ഗൃഹാതുരതയുടെ നനുത്ത ഓര്‍മ്മകളും. പ്രേക്ഷക ശ്രദ്ധ നേടിയ ‘ജൂണി’ന്റെ തിരശ്ശീലക്ക് പിന്നിലെ രസകരമായ കാഴ്ചകള്‍ പുറത്തുവിട്ടിരിക്കുകയാണ് അണിയറ പ്രവര്‍ത്തകര്‍.
ചിത്രത്തിലെ ഒരു ഗാനരംഗത്തില്‍ ബൈക്കോടിക്കുന്ന രജിഷയെയും സഹതാരത്തെയും കാണാം. എന്നാല്‍ ആ സീനിന്റെ ചിത്രീകരണത്തിന് പിന്നിലെ കാഴ്ചകളും മേക്കിങ് വീഡിയോയില്‍ ഉള്‍പ്പെടുത്തിയിട്ടുണ്ട്. ബിഗ് സ്‌ക്രീന്‍ താരങ്ങള്‍ ഡാന്‍സും പാട്ടും തമാശകളുമായി ഷൂട്ടിങ് ആസ്വദിക്കുന്ന വീഡിയോ സോഷ്യല്‍ മീഡിയ ഏറ്റുപിടിച്ചിരിക്കുകയാണ്.
