വിജയ്‌യുടെ സര്‍ക്കാറിനും ആമീര്‍ ഖാന്റെ തഗ്സ് ഓഫ് ഹിന്ദോസ്ഥാനും ശേഷം ശങ്കര്‍ സംവിധാനം ചെയ്ത രജനീകാന്ത് ചിത്രം 2.0 ന്റെ പകര്‍പ്പുമായി എത്തുമെന്ന് അറിയിച്ച് തമിഴ് റോക്കേഴ്‌സ് എന്ന പൈറേറ്റ് സൈറ്റ്.
തമിഴ് റോക്കേഴ്‌സിന്റെ ട്വിറ്റര്‍ പേജിലായിരുന്നു 2.0 റിലീസിങ് വിവരം പുറത്ത് വിട്ടത്. ‘#2Point0 Coming Soon in Tamil Rockers. (sic)’ എന്നായിരുന്നു ആദ്യ ട്വീറ്റ്. എന്നാല്‍ നിമിഷങ്ങള്‍ക്കുള്ളില്‍ ഈ ട്വീറ്റ് പിന്‍വലിക്കപ്പെട്ടു. എന്നാല്‍ കുറച്ച് കഴിഞ്ഞ് വീണ്ടും ട്വീറ്റ് വന്നു. ഇത് ‘#2Point0 #2point0November #2Point0FromNov29 #Rajinikanth #Rajini #SuperStar #TR #TamilRockers. Our Old Account Suspended @TamilRockersMV ‘ എന്നായിരുന്നു.
നവംബര്‍ 29 നാണ് 2.0 യുടെ റിലീസിങ് തീയതി പ്രഖ്യാപിച്ചിരിക്കുന്നത്. ഇന്ത്യന്‍ സിനിമാ ചരിത്രത്തിലെ ഏറ്റവും വലിയ പണം മുടക്കി ചിത്രീകരിച്ച 2.0 മുഴുവനായും ത്രീഡി ഫോര്‍മാറ്റിലാണ് ഷൂട്ട് ചെയ്തിരിക്കുന്നത്.
വിജയ്‌യുടെ സര്‍ക്കാറും ആമീര്‍ ഖാന്റെ തഗ്സ് ഓഫ് ഹിന്ദോസ്ഥാനും റിലീസ് ചെയ്ത് മണിക്കൂറുകള്‍ക്കുള്ളില്‍ തമിഴ് റോക്കേഴ്‌സ് വ്യാജ പതിപ്പുകള്‍ പുറത്തുവിട്ടിരുന്നു. ഇതിനു പിന്നാലെയാണ് 2.0യ്ക്ക് ഭീഷണിയുമായി തമിഴ് റോക്കേഴ്‌സ് എത്തിയിരിക്കുന്നത്.
Discussion about this post