രജനികാന്ത് അത് ഒരു പേരുമാത്രമല്ല വികാരം കൂടിയാണ്. തമിഴ് കടന്ന് മലയാളത്തിലും നിരവധി ആരാധകര്‍ ഉള്ള നടനാണ് രജനി. താരത്തിന്റെ സിനിമ തുടങ്ങി പഞ്ച്ഡയലോഗുകളും ഇടിവെട്ട് ഇടികളും കാണുകയും കേള്‍ക്കുകയും ചെയ്യുമ്പോള്‍ അതിനനുസരിച്ച് തീയ്യേറ്ററുകളില്‍ ആര്‍പ്പുവിളികളും മുഴങ്ങും.
ഇപ്പോള്‍ സ്‌റ്റൈല്‍ മന്നന്‍ രജനികാന്തിന്റെ മാസ്റ്റര്‍ സ്‌റ്റൈയിലിനെ അനുകരിച്ചുള്ള താരത്തിന്റെ ചെറുമകന്റെ ഫോട്ടോ വൈറലാകുന്നു. കൈകള്‍ പിന്നിലേക്ക് കെട്ടിയുള്ള ശക്തമായ രജനിയുടെ പോസ് ആരാധകര്‍ക്ക് ഹൃദ്യസ്ഥമാണ്. ആ നില്‍പ്പിന്റെ അനുകരണം തന്നെയാണ് ചെറുമകന്‍ അനുകരിച്ചിരിക്കുന്നത് എന്ന് പറഞ്ഞ് ഫോട്ടോ പങ്കുവെച്ചിരിക്കുകയാണ് രജനികാന്തിന്റെ മകളും സംവിധായികയുമായ സൗന്ദര്യ രജനികാന്ത്.
ട്വിറ്ററില്‍ വൈറലായ ഫോട്ടോയില്‍ സന്തോഷമറിയിച്ച് നിരവധി പേരാണ് കമന്റ് ചെയ്തിരിക്കുന്നത്. അതേസമയം രജനികാന്തിനെ മുത്തശ്ശന്‍ എന്ന് വിളിച്ചതിലെ അതൃപ്തിയും ചിലര്‍ സൗന്ദര്യയെ അറിയിച്ചിട്ടുണ്ട്.
Discussion about this post