വിജയം ആവര്‍ത്തിക്കാന്‍ ഒരുങ്ങി വിജയ്-ആറ്റ്ലി കൂട്ടുക്കെട്ട് വീണ്ടും ഒന്നിച്ചിരിക്കുകയാണ്. ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തുവിട്ടു. സംവിധായകന്‍ ആറ്റ്ലി തന്നെയാണ് പോസ്റ്റര്‍ പുറത്ത് വിട്ടത്. ‘ബിഗില്‍’ എന്ന് പേരിട്ടിരിക്കുന്ന ചിത്രത്തില്‍ വിജയ് രണ്ട് വ്യത്യസ്ത ഗെറ്റപ്പിലാണ് എത്തുന്നതെന്നാണ് പോസ്റ്റര്‍ നല്‍കുന്ന സൂചന.
സ്‌പോര്‍ട്‌സ് പശ്ചാത്തലമായി ഒരുക്കുന്ന ചിത്രത്തില്‍ നയന്‍താരയാണ് നായിക. വിജയ് നായകനായി എത്തുന്ന 63 ാമത്തെ ചിത്രമാണിത്. വിവേക്, പരിയേറും പെരുമാള്‍ ഫെയിം കതിര്‍, യോഗി ബാബു, റോബോ ശങ്കര്‍ എന്നിവരാണ് ചിത്രത്തിലെ മറ്റ് താരങ്ങള്‍.
എആര്‍ റഹ്മാനാണ് ചിത്രത്തിന് സംഗീതം ഒരുക്കിയിരിക്കുന്നത്. എജിഎസ് എന്റര്‍ടെയ്മെന്റ് ആണ് ചിത്രം നിര്‍മ്മിച്ചിരിക്കുന്നത്. ദീപാവലിക്ക് ചിത്രം തീയ്യേറ്ററുകളിലെത്തുമെന്നാണ് റിപ്പോര്‍ട്ട്.
#Bigil2ndLook expect the unexpected @actorvijay @AGS_cinemas @dop_gkvishnu @arrahman @muthurajthangvl @Lyricist_Vivek @Actor_Vivek @shobimaster @AntonyLRuben @gopiprasannaa pic.twitter.com/oWy6mZEAaF
— atlee (@Atlee_dir) June 21, 2019