ടൊവീനോ തോമസ് നായകനാകുന്ന പുതിയ ചിത്രം ‘ആന്‍ഡ് ദ് ഓസ്‌കാര്‍ ഗോസ് ടു’വിന്റെ ട്രെയിലര്‍ പുറത്തിറങ്ങി. സിനിമയ്ക്കുള്ളിലെ സിനിമയുടെ കഥ പറയുന്ന ചിത്രം കഥയെഴുതി സംവിധാനം ചെയ്തിര്ക്കുന്നത് സലീം അഹമ്മദാണ്.
അനു സിത്താരയാണ് ചിത്രത്തില്‍ നായിക. ചിത്രത്തില്‍ ഒരു ചലച്ചിത്ര സംവിധായകന്റെ വേഷത്തില്‍ ടൊവിനോ എത്തുമ്പോള്‍ പത്രപ്രവര്‍ത്തകയുടെ വേഷത്തിലാണ് അനു സിത്താര എത്തുന്നത്. സിദ്ധിഖ്, സലിം കുമാര്‍, ശ്രീനിവാസന്‍, ലാല്‍, അപ്പാനി രവി എന്നിവരാണ് ചിത്രത്തിലെ മറ്റ് പ്രധാന താരങ്ങള്‍
ഛായാഗ്രഹണം മധു അമ്പാട്ടും എഡിറ്റിംഗ് വിജയ് ശങ്കറും നിര്‍വഹിക്കുന്നു. റഫീഖ് അഹമ്മദിന്റെ വരികള്‍ക്ക് സംഗീതം നല്‍കിയിരിക്കുന്നത് ബിജിബാലാണ്. ശബ്ദസംവിധാനം റസൂല്‍ പൂക്കുട്ടിയും നിര്‍വഹിക്കുന്നു. അലന്‍സ് മീഡിയയുടെ ബാനറില്‍ ചിത്രം നിര്‍മ്മിച്ചിരിക്കുന്നതും സലീം അഹമ്മദാണ്.
