കലാഭവന്‍ ഷാജോണ്‍ ഒരുക്കുന്ന ബ്രദേഴ്സ് ഡേയുടെ പുതിയ ലൊക്കേഷന്‍ സ്റ്റില്‍ പുറത്തു വിട്ടു.
ചിത്രത്തിന്റെ തിരക്കഥ തയാറാക്കിയിരിക്കുന്നതും കലാഭവന്‍ ഷാജോണ്‍ തന്നെയാണ്. ചിത്രത്തില്‍ പൃഥ്വിരാജിന്റെ നായികയായി എത്തുന്നത് ഐശ്വര്യ ലക്ഷ്മിയാണ്. പ്രയാഗ മാര്‍ട്ടിന്‍, മിയ, ഹൈമ, മഡോണ എന്നിവരും ചിത്രത്തില്‍ പ്രധാന കഥാപാത്രങ്ങളായി എത്തുന്നുണ്ട്.
ദീര്‍ഘകാലം സിനിമ, ടെലിവിഷന്‍ രംഗത്ത് നിറ സാന്നിധ്യമായിരുന്ന കലാഭവന്‍ ഷാജോണിന്റെ കന്നി സംവിധാന സംരംഭമാണ് ബ്രദേഴ്സ് ഡേ. ചിത്രത്തിന്റെ തിരക്കഥ കേട്ട് ഇഷ്ടപ്പെട്ട പൃഥ്വിരാജിന്റെ നിര്‍ബന്ധപ്രകാരമാണ് താന്‍ സംവിധാന രംഗത്തേക്ക് കടന്നതെന്ന് നേരത്തെ ഷാജോണ്‍ പറഞ്ഞിരുന്നു. ചിത്രം ഓണം റിലീസായി തീയ്യേറ്ററുകളിലെത്തും.
Discussion about this post