യഥാര്‍ത്ഥ സംഭവത്തെ അടിസ്ഥാനമാക്കി ആഷിഖ് അബു ഒരുക്കുന്ന ചിത്രമാണ് വൈറസ്. എന്നാല്‍ വൈറസ് ടീം പ്രമോഷന്‍ നിര്‍ത്തിവെച്ചു എന്ന റിപ്പോര്‍ട്ടാണ് ഇപ്പോള്‍ പുറത്ത് വന്നത്. അതേസമയം ചിത്രം ജൂണ്‍ 7ന് റിലീസ് ചെയ്യുമെന്നായിരുന്നു നേരത്തെ പ്രഖ്യാപിച്ചത്. എന്നാല്‍ അതിനിടയിലാണ് അപ്രതീക്ഷിത സംഭവവികാസങ്ങള്‍ അരങ്ങേറിയത്.
സംസ്ഥാനത്ത് വീണ്ടും നിപ റിപ്പോര്‍ട്ട് ചെയ്ത പശ്ചാത്തലത്തില്‍ സിനിമയുടെ റിലീസ് മാറ്റണമെന്നാവശ്യപ്പെട്ട് നിരവധിപേര്‍ എത്തിയിട്ടുണ്ട്. ജനങ്ങളെ കൂടുതല്‍ പരിഭ്രാന്തിയിലേക്ക് ചിത്രം നയിച്ചേക്കാമെന്ന വിലയിരുത്തലുകളും പുറത്തുവന്നിട്ടുണ്ട്. സംവിധായകന്റേയും താരങ്ങളുടേയുമൊക്കെ പോസ്റ്റിന് കീഴിലായാണ് ഇത്തരത്തിലുള്ള കമന്റുകള്‍ പ്രത്യക്ഷപ്പെട്ടിട്ടുള്ളത്. എന്നാല്‍ ഇതേക്കുറിച്ച് അണിയറപ്രവര്‍ത്തകര്‍ പ്രതികരിച്ചിട്ടില്ല.
Discussion about this post