തന്നെ സ്‌ക്രീനില്‍ ഇത്രയേറെ സുന്ദരനാക്കി അവതരിപ്പിക്കാന്‍ കഷ്ടപ്പെടുന്ന ഹെയര്സ്റ്റൈലിസ്റ്റിന്റെ ജീവിതത്തില്‍ പ്രധാനപ്പെട്ട ഒരു ദിവസം വന്നെത്തുമ്പോള്‍ മാറി നില്‍ക്കുന്നതെങ്ങനെ. ഈ ചിന്തയായിരിക്കണം തന്റെ ഹെയര്സ്റ്റൈലിസ്റ്റിന്റെ സഹോദരിയുടെ വിവാഹ ദിനത്തില്‍ സര്‍പ്രൈസ് എന്‍ട്രിയായി ബോളിവുഡിലെ കിങ് ഖാന്‍ ഷാരൂഖ് ഖാനെ ആ വേദിയിലേക്ക് ആനയിച്ചത്. ഷാരൂഖ് അപ്രതീക്ഷിതമായി വിവാഹത്തിനെത്തിയ വീഡിയോ ഇപ്പോള്‍ സോഷ്യല്‍മീഡിയയില്‍ വൈറലാണ്.
മേയ് മാസത്തിലായിരുന്നു ഇവരുടെ വിവാഹം. വിവാഹ വേദിയിലേക്ക് ഷാരൂഖ് എത്തുന്നതിന്റെ വിഡീയോയാണ് ഇപ്പോള്‍ സോഷ്യല്‍ മീഡിയയില്‍ പ്രചരിക്കുന്നത്. ഷാരൂഖ് വേദിയിലേക്കെത്തുമ്പോള്‍ അതിഥികള്‍ ആവേശത്തിലാകുന്നതും വീഡിയോയില്‍ കാണാം.
വരനെയും വധുവിനേയും നേരില്‍ കണ്ട് അഭിനന്ദിച്ചശേഷം അവര്‍ക്കൊപ്പം ഫോട്ടോയുമെടുത്തതിന് ശേഷമാണ് താരം മടങ്ങിയത്.
Discussion about this post