ഒരു കാലത്ത് മലയാളത്തില്‍ ആടി തകര്‍ത്ത നടിയാണ് ഭാവന. താരത്തിന്റെ പുതിയ ഇന്‍സ്റ്റാഗ്രാം ചിത്രങ്ങളാണ് ഇപ്പോള്‍ സമൂഹമാധ്യമങ്ങളില്‍ വൈറലാകുന്നത്. മുടിയില്‍ മുല്ലപ്പൂ ചൂടി നീല സാരിയില്‍ അതീവ സുന്ദരിയായി തിളങ്ങുകയാണ് നടി. വിവാഹശേഷവും ഒരുമാറ്റവുമില്ലെന്നാണ് ഭാവനയെക്കുറിച്ച് ആരാധകര്‍ പറയുന്നത്.
സംവിധായകന്‍ കമലിന്റെ നമ്മള്‍ എന്ന സിനിമയില്‍ അഭിനയിച്ചുകൊണ്ടാണ് ഭാവന ചലച്ചിത്ര രംഗത്ത് തുടക്കംകുറിച്ചത്. പിന്നീട് നിരവധി സിനിമകളില്‍ സജീവമായിരുന്നു താരം. ഏറെ കാലത്തെ പ്രണയത്തിനു ശേഷം 2018 ജനുവരിയിലാണ് കന്നഡ നിര്‍മ്മാതാവ് നവീനിനെ വിവാഹം ചെയ്ത് നടി ഭാവന അഭിനയത്തിന് ഒരു ചെറിയ ബ്രേക്കെടുത്തത്.
എങ്കിലും സിനിമ മറന്നൊരു ലോകം അസാധ്യമാണെന്നു തോന്നിയപ്പോള്‍ അഭിനയത്തിലേക്ക് വീണ്ടും തിരിച്ചെത്തുകയും ചെയ്തു ഈ നടി. തമിഴ് ചിത്രം 96ന്റെ കന്നഡ റീമേക്ക് 99ലൂടെ ഗണേഷിന്റെ നായികയായിട്ടായിരുന്നു ഭാവനയുടെ തിരിച്ചുവരവ്. മെയ് ഒന്നിന് റിലീസ് ചെയ്ത ചിത്രത്തിന് മികച്ച പ്രതികരണമാണ് ലഭിച്ചത്.
Discussion about this post