ബോളിവുഡിന്റെയും ലോകസൗന്ദര്യ സങ്കല്‍പ്പത്തിന്റെയും നെറുകയില്‍ ചുംബിച്ച താരം സുസ്മിത സെന്‍ വിവാഹിതയാകുന്നു! വാര്‍ത്തകേട്ട് ബോളിവുഡ് ഒന്നടങ്കം അമ്പരന്നിരിക്കുകയാണ്. വിവാഹവാര്‍ത്ത മാത്രമല്ല, പ്രതിശ്രുതവരന്റെ പ്രായവും ബോളിവുഡില്‍ വലിയ ചര്‍ച്ചാവിഷയമായിരിക്കുകയാണ്. ഇപ്പോള്‍ സിനിമയില്‍ അല്‍പം അകന്ന് ഫാഷന്‍ ലോകത്തും മക്കളുടെ കാര്യത്തിലും ശ്രദ്ധ കേന്ദ്രീകരിച്ചിരിക്കുകയായിരുന്നു താരം. ഇതിനിടെയാണ് യുവഫാഷന്‍ മോഡലായ രോഹ്മന്‍ ഷാലിനെ വിവാഹം ചെയ്യാന്‍ പോവുകയാണെന്ന വാര്‍ത്ത പുറത്ത് വന്നിരിക്കുന്നത്.
രണ്ടു പെണ്‍മക്കളെ ദത്തെടുത്ത് സന്തോഷ ജീവിതം നയിക്കുന്ന താരത്തിന്റെ വിവാഹ വാര്‍ത്ത സന്തോഷത്തോടെയാണ് സോഷ്യല്‍മീഡിയ ഏറ്റെടുത്തിരിക്കുന്നത്.
42കാരിയായ സുസ്മിതയും 27കാരനായ റോഹ്മാന്‍ ഷാലും തമ്മില്‍ പ്രണയത്തിലാണെന്ന് നേരത്തേ റിപ്പോര്‍ട്ടുകള്‍ ഉണ്ടായിരുന്നു. എന്നാല്‍ ഇരുവരും ഇത് പരസ്യമായി അംഗീകരിച്ചിരുന്നില്ല. ഇപ്പോള്‍ മക്കള്‍ക്കും ബോയ്ഫ്രണ്ടിനും ഒപ്പം ദീപാവലി ആഘോഷിക്കുന്നതിന്റെ ചിത്രങ്ങളും വിഡിയോയും സുസ്മിത ഇന്‍സ്റ്റഗ്രാമില്‍ പോസ്റ്റ് ചെയ്തതോടെയാണ് ഇക്കാര്യത്തില്‍ സോഷ്യല്‍മീഡിയയും ശ്രദ്ധ കേന്ദ്രീകരിച്ചിരിക്കുന്നത്.
ദത്തുപുത്രിമാരായ അലീഷയ്ക്കും റെനിയ്ക്കും ഒപ്പം ഇത്തവണ ദീപാവലി ആഘോഷിക്കാന്‍ ഫാഷന്‍ മോഡലായ രോഹ്മന്‍ ഷാലും സുസ്മിതയുടെ വീട്ടില്‍ എത്തിയിരുന്നു. ഒരു ഫാഷന്‍ ഷോയില്‍ വച്ചാണ് റോഹ്മനും സുസ്മിതയും പരിചയപ്പെട്ടതും സുഹൃത്തുക്കളായതും. എന്നാല്‍ സൗഹൃദം പ്രണയമായി മാറിയെന്നാണ് ബോളിവുഡ് രഹസ്യം.