തെന്നിന്ത്യയിലെ താരസുന്ദരിയാണ് കാജര്‍ അഗര്‍വാള്‍. കേരളത്തിലും താരത്തിന് നിറയെ ആരാധകരാണ് ഉള്ളത്. സോഷ്യല്‍ മീഡിയയില്‍ ഇപ്പോഴത്തെ ചര്‍ച്ചാവിഷയം കാജല്‍ അഗര്‍വാളാണ്. അതിന് കാരണം താരം പങ്കുവെച്ച ഒരു ഫോട്ടോയാണ്.
കഴിഞ്ഞ ദിവസമാണ് താരം തന്റെ മേക്കപ്പില്ലാത്ത ഫോട്ടോ ഇന്‍സ്റ്റാഗ്രാമില്‍ പങ്കുവെച്ചത്.നിങ്ങള്‍ ആരാണെന്നത് കാട്ടിത്തരാന്‍ മേക്കപ്പിന് കഴിയില്ല എന്ന് കുറിച്ചാണ് കാജല്‍ ഈ ചിത്രം പങ്കുവെച്ചത്.
‘നിങ്ങളുടെ ബാഹ്യസൗന്ദര്യം വര്‍ധിപ്പിക്കാന്‍ മേക്കപ്പിന് കഴിയും. എന്നാല്‍ അത് ഒരാളുടെ ആന്തരിക സൗന്ദര്യത്തിന്റെ പ്രതിഫലനമല്ല. ബാഹ്യസൗന്ദര്യത്തിന് പ്രാധാന്യം കൊടുക്കുന്ന ഒരു ലോകത്താണ് നമ്മള്‍ ഇപ്പോള്‍ ജീവിക്കുന്നത്. എന്നാല്‍ നിങ്ങളാരാണെന്നത് കാട്ടിത്തരാന്‍ മേക്കപ്പിന് കഴിയില്ല. യഥാര്‍ത്ഥ സൗന്ദര്യം തിരിച്ചറിയുന്നത് നിങ്ങള്‍ ആരാണെന്ന് നിങ്ങള്‍ തിരിച്ചറിയുന്ന നിമിഷമാണ്. സൗന്ദര്യ വര്‍ധക വസ്തുക്കള്‍ക്ക് ഒരുപാട് പണം പലരും മുടക്കാറുണ്ട്. എന്നാല്‍ ബാഹ്യസൗന്ദര്യമല്ല ഒരാളുടെ വ്യക്തിത്വത്തെ നിര്‍വചിക്കുന്നത്’ എന്നാണ് കാജല്‍ ചിത്രം പങ്കുവെച്ച് കുറിച്ചത്.
Discussion about this post