മക്കള്‍ സെല്‍വന്‍ വിജയ് സേതുപതിയും മകന്‍ സൂര്യ സേതുപതിയും തകര്‍ത്താടിയ സിന്ദുബാദ് എന്ന ചിത്രത്തിലെ ഗാനം സോഷ്യല്‍ മീഡിയയില്‍ തരംഗമാകുന്നു. ഫാസ്റ്റ് നമ്പര്‍ ഗണത്തില്‍ പെട്ട റോക്ക്സ്റ്റാര്‍ റോബര്‍ എന്ന് ഗാനമാണ് സോഷ്യല്‍ മീഡിയയില്‍ പോസ്റ്റ് ചെയ്ത് ദിവസങ്ങള്‍ക്കുള്ളില്‍ തന്നെ ലക്ഷക്കണക്കിന് കാണികളെ വാരിക്കൂട്ടിയത്.
പാട്ടിനൊപ്പം വിജയും മകനും തകര്‍പ്പന്‍ ചുവടുകള്‍ വച്ച് ആരാധകരെ രസിപ്പിക്കുന്നുണ്ട്. വിജയ് സേതുപതിയുടെ ഏറ്റവും പുതിയ ചിത്രമാണ് സിന്ദുബാദ്. രാഹുല്‍ രാജ്, പാവ് ബണ്ടി എന്നിവരുടെ വരികള്‍ക്ക് ഈണമിട്ടിരിക്കുന്നത് യുവാന്‍ ശങ്കര്‍ രാജയാണ്. എഡികെ, പാവ് ബണ്ടി എന്നിവര്‍ ചേര്‍ന്നാണ് പാട്ട് ആലപിച്ചിരിക്കുന്നത്.
മികവുറ്റ കഥാപാത്രങ്ങള്‍ കൊണ്ടും നിലപാടുകള്‍ കൊണ്ടും ആരാധകരുടെ മനസ്സില്‍ ഇടംനേടിയ വിജയ് സേതുപതി തികച്ചും വ്യത്യസ്തമായ ഗെറ്റപ്പിലാണ് സിന്ദുബാദ് എന്ന ചിത്രത്തില്‍ എത്തുന്നത്. അഞ്ജലിയാണ് ചിത്രത്തിലെ നായിക. ആക്ഷന്‍ ത്രില്ലര്‍ വിഭാഗത്തില്‍ പെടുന്ന ചിത്രം സംവിധാനം ചെയ്യുന്നത് എസ്‌യു അരുണ്‍ കുമാറാണ്. എസ്എന്‍ രാജന്‍, ഷാന്‍ സുദര്‍ശന്‍ എന്നിവരാണ് നിര്‍മ്മാണം.
Discussion about this post