അച്ഛനും ചേട്ടനും പിന്നാലെ സംവിധായക തൊപ്പി അണിഞ്ഞിരിക്കുകയാണ് ധ്യാന്‍ ശ്രീനിവാസന്. ‘ലവ് ആക്ഷന്‍ ഡ്രാമ’ എന്ന് പേരിട്ടിരിക്കുന്ന ചിത്രത്തിന്റെ തിരക്കഥയും സംവിധാനവും ധ്യാന്‍ തന്നെയാണ് ചെയ്യുന്നത്. ഇപ്പോഴിതാ ധ്യാനിനെ ട്രോളി രംഗത്ത് എത്തിയിരിക്കുകയാണ് അജു വര്‍ഗീസ്. ഫേസ്ബുക്ക് പോസ്റ്റിലൂടെയാണ് അജു ധ്യാനിനെ ട്രോളിയിരിക്കുന്നത്.
ശ്രീനിവാസന് രംഗം നിര്‍ദേശിച്ചു കൊടുക്കുന്ന ധ്യാനിന്റെ ഫോട്ടോ അജു ഫേസ്ബുക്കില്‍ പോസ്റ്റ് ചെയ്തിരിക്കുന്നത് ‘നിനക്കിതൊക്കെ അറിയാമോടെ?’ എന്ന ക്യാപ്ഷനോട് കൂടിയാണ്. എന്തായാലും പോസ്റ്റ് ഇപ്പോള്‍ വൈറലായിരിക്കുകയാണ്. ചിത്രത്തിന്റെ നിര്‍മ്മാതാവ് കൂടിയാണ് അജു വര്‍ഗീസ്.
ഏറെ നാളുകള്‍ക്ക് ശേഷം നയന്‍താര മലയാളത്തില്‍ നായികയായി തിരിച്ചെത്തുന്ന ചിത്രം കൂടിയാണിത്. നിവിന്‍ പോളിയാണ് നായകന്‍. ചിത്രത്തില്‍ നിവിന്‍, ദിനേശന്‍ എന്ന കഥാപാത്രത്തെയും നയന്‍താര ശോഭ എന്ന കഥാപാത്രത്തെയുമാണ് അവതരിപ്പിക്കുന്നത്. ശ്രീനിവാസന്, അജു വര്‍ഗീസ്, മല്ലികാ സുകുമാരന്‍, ജൂഡ് ആന്റണി എന്നിവരാണ് ചിത്രത്തിലെ മറ്റ് താരങ്ങള്‍. ഓണം റിലീസ് ആയാണ് ചിത്രം തീയ്യേറ്ററുകളില്‍ എത്തുക.
Discussion about this post