സിനിമയിലെ ആക്ഷന്‍ രംഗങ്ങളില്‍ ഡ്യൂപ്പില്ലാതെ അഭിനയിക്കുന്ന ചുരുക്കം ചില നടന്മാരില്‍ ഒരാളാണ് മലയാളത്തിന്റെ താരരാജാവ് മോഹന്‍ലാല്‍. ആക്ഷന്‍ രംഗങ്ങളില്‍ ഏറ്റവും മികവ് പുലര്‍ത്തുന്ന താരം കൂടിയാണ് ലാലേട്ടന്‍. പുലിമുരുകന്‍ എന്ന ചിത്രത്തിലടക്കം നമ്മള്‍ ആ മികവ് കണ്ടതാണ്. വയസ് 59 ആയെങ്കിലും യുവ താരങ്ങളെ വെല്ലുന്ന തരത്തിലുള്ള പ്രകടനമാണ് താരം കാഴ്ച്ചവെയ്ക്കാറുള്ളത്. പലപ്പോഴും തന്റെ വര്‍ക്കൗട്ട് ചിത്രങ്ങള്‍ താരം സോഷ്യല്‍ മീഡിയയിലൂടെ പങ്കുവെയ്ക്കാറുമുണ്ട്.
അത്തരത്തില്‍ താരം സോഷ്യല്‍ മീഡിയയില്‍ പങ്കുവെച്ച വര്‍ക്കൗട്ട് വീഡിയോ ആണ് ഇപ്പോള്‍ വൈറലായിരിക്കുന്നത്. റോപ് വര്‍ക്കൗട്ടിന്റെ വീഡിയോ മോഹന്‍ലാല്‍ തന്നെയാണ് ട്വിറ്ററിലൂടെ പങ്കുവെച്ചത്. ‘ഇങ്ങത് ഇത് എന്തിനുള്ള പുറപ്പാടാണ് ലാലേട്ടാ…ലാലേട്ടന്റെ പകുതി പ്രായം ഉള്ളവര്‍ക്ക് പോലും കോംപ്ലസ് ആവുമല്ലോ ഇതൊക്കെ കണ്ടാല്‍’ എന്നാണ് ഈ വീഡിയോയ്ക്ക് ആരാധകര്‍ കമന്റ് ചെയ്തിരിക്കുന്നത്.
പ്രിയദര്‍ശന്റെ സംവിധാനത്തില്‍ ഒരുങ്ങുന്ന മരക്കാര്‍ അറബിക്കടലിന്റെ സിഹം, ഇട്ടിമാണി മെയ്ഡ് ഇന്‍ ചൈന എന്നീ ചിത്രങ്ങളാണ് പുറത്തിറങ്ങാന്‍ ഇരിക്കുന്ന മോഹന്‍ലാല്‍ ചിത്രങ്ങള്‍.
#Workout pic.twitter.com/Ckw68Pade8
— Mohanlal (@Mohanlal) May 29, 2019