ഹാസ്യത്തില്‍ പൊതിഞ്ഞ് പുറത്തിറങ്ങിയ ‘പെണ്ണന്വേഷണം’ എന്ന പുതിയ സിനിമയുടെ ടീസര്‍ ജനശ്രദ്ധ നേടുന്നു. മലയാള സിനിമ ചരിത്രത്തിലാദ്യമായി പൂര്‍ണ്ണമായും 360 ഡിഗ്രീ ഷോട്‌സില്‍ ചിത്രീകരിച്ചിരിക്കുന്നത് എന്നതും ടീസറിനെ ഏറെ വ്യത്യസ്തമാക്കുന്നു. നവാഗതനായ ആധിന്‍ ഉള്ളൂര്‍ ആണ് ചിത്രം സംവിധാനം ചെയ്തിരിക്കുന്നത്.
കോഴിക്കോടിന്റെ പശ്ചാത്തലത്തിലൊരുങ്ങുന്ന ചിത്രം പെണ്ണന്വേഷിച്ചു നടക്കുന്ന ഒരു യുവാവിന്റെ കഥയാണ് പറയുന്നത്. ചിത്രത്തില്‍ ഹാസ്യത്തിന് ഏറെ പ്രാധാന്യം നല്‍കിയിട്ടുണ്ടെന്ന് ടീസര്‍ കാണുമ്പോള്‍ തന്നെ വ്യക്തമാകും. നേരത്തെ പുറത്തിറങ്ങിയ ചിത്രത്തിന്റെ ഫസ്റ്റ് ലുക്ക് പോസ്റ്ററും ശ്രദ്ധേയമായിരുന്നു.
ഗോകുല്‍ ദാസ് കഥയെഴുതിയ ചിത്രത്തിന്റ ഛായഗ്രാഹണം നിര്‍വ്വഹിക്കുന്നത് സജാദ് കാക്കുവാണ്. അരുണ്‍ കെ കുമാര്‍ ആണ് എഡിറ്റിംഗ്. സംഗീതം എറിക്ക് ജോണ്‍സണ്‍. ചിത്രം ഉടന്‍ തീയ്യേറ്ററുകളിലെത്തുമെന്നാണ് പ്രതീക്ഷിക്കുന്നത്.
