മനു അശോകന്‍ സംവിധാനം ചെയ്ത ഉയരെ തീയ്യേറ്ററുകള്‍ കീഴടക്കിക്കൊണ്ട് മുന്നേറുകയാണ്. പാര്‍വതിയുടെ പല്ലവി നാരായണനൊപ്പം തന്നെ ശ്രദ്ധിക്കപ്പെട്ട വേഷമായിരുന്നു ആസിഫ് അലിയുടെ ഗോവിന്ദ് എന്ന കഥാപാത്രം. ഇപ്പോഴിതാ ആസിഫിനെ അഭിനന്ദിച്ച് രംഗത്തെത്തിയിരിക്കുകയാണ് ഐശ്വര ലക്ഷ്മി. അതിന് ആസിഫ് കൊടുത്ത മറുപടിയാണ് സമൂഹമാധ്യമങ്ങളില്‍ വൈറലായിക്കൊണ്ടിരിക്കുന്നത്.
ആസിഫ് അലി ഇന്‍സ്റ്റഗ്രാമില്‍ പങ്കുവെച്ച ഉയരെയുടെ പോസ്റ്ററിന് താഴെയാണ് ആസിഫിനെ അഭിനന്ദിച്ച് ഐശ്വര്യ കമന്റിട്ടത്. ഗോവിന്ദ് നിങ്ങള്‍ അദ്ഭുതപ്പെടുത്തിയെന്നാണ് ഐശ്വര്യയുടെ കമന്റ്. ഇതിന് മറുപടിയായി ആസിഫ് രംഗത്തെത്തി. പൗര്‍ണമീ കുറച്ച് ആസിഡ് എടുക്കട്ടെയെന്നായിരുന്നു ആസിഫിന്റെ മറുപടി.
ഇത് ആരാധകര്‍ ഏറ്റെടുത്തിരിക്കുകയാണ്. ആസിഫ് അലിയും ഐശ്വര്യയും നായികാ നായകന്മാരായെത്തിയ വിജയ് സൂപ്പറും പൗര്‍ണ്ണമിയും എന്ന ചിത്രം ഏറെ പ്രേക്ഷക ശ്രദ്ധ പിടിച്ചുപറ്റിയിരുന്നു. ഇവരുടെ ജോഡി സൂപ്പറാണെന്ന് ധാരാളം പേര്‍ അഭിപ്രായപ്പെട്ടിരുന്നു.
