നടിയെ ആക്രമിച്ച കേസില് ദിലീപിനെ പിന്തുണയ്ക്കുകയും ഡബ്ല്യുസിസിയെ വിമര്ശിക്കുകയും ചെയ്ത ശ്രീനിവാസനെ പിന്തുണച്ച് നടന് ഹരീഷ് പേരടി രംഗത്ത്. ഡബ്ല്യുസിസിയുടെ ലക്ഷ്യം എന്താണെന്ന് മനസ്സിലായില്ല എന്ന് ശ്രീനിവാസന് ചോദിക്കുമ്പോള് അത് സാധരണക്കാരായ എല്ലാ മനുഷ്യരുടെയും ചോദ്യമാണെന്നാണ് ഹരീഷ് പേരടി പറയുന്നത്. സ്വന്തം പേരില് 240ത് കേസുള്ള ആളുകള് നമ്മുടെ ജനപ്രതിനിധികളാകാന് മത്സരിക്കുമ്പോഴാണ് കോടതി കുറ്റവാളി എന്ന് പറയാത്ത ഒരാള്ക്കെതിരെയുള്ള നന്മ മരങ്ങളുടെ ഓക്കാനങ്ങളെന്നും ഹരീഷ് തന്റെ ഫേസ്ബുക്കില് കുറിച്ചു.
കഴിഞ്ഞ ദിവസമാണ് ശ്രീനിവാസന് നടിയെ ആക്രമിച്ച കേസില് ദിലീപിനെ അനുകൂലിച്ചും ഡബ്ല്യുസിസിയെ വിമര്ശിച്ചും രംഗത്തെത്തിയത്. ഒരു ചാനലിന് നല്കിയ അഭിമുഖത്തിലാണ് ശ്രീനിവാസന്, ദിലീപ് അങ്ങനെ ചെയ്യുമെന്ന് വിശ്വസിക്കുന്നില്ലെന്നും കേസ് കെട്ടിച്ചമച്ചതാണെന്നും പറഞ്ഞത്. താനറിയുന്ന ദിലീപ് ഇത്തരത്തിലുള്ള ഒരു കാര്യത്തിന് ഒന്നര കോടിയല്ല ഒന്നര പൈസ പോലും ചെലവാക്കില്ലെന്നും ശ്രീനിവാസന് കൂട്ടിച്ചേര്ത്തു.
ഹരീഷ് പേരടിയുടെ ഫേസ്ബുക്ക് പോസ്റ്റിന്റെ പൂര്ണ്ണരൂപം,
ഞാന് കണ്ട മലയാള സിനിമകളില് എനിക്കേറ്റവും ഇഷ്ടപ്പെട്ട പത്ത് സിനിമകളില് രണ്ടെണ്ണം ‘ വടക്ക്നോക്കിയന്ത്രവും ചിന്താവിഷ്ടയായ ശ്യാമളയുമാണ് …എല്ലാ കോപറേറ്റിവ് സൊസൈറ്റികളിലും മെമ്പര്ഷിപ്പുള്ള ജീവിതം ഭദ്രമാക്കിയ ബുദ്ധിജീവികള് എന്നെ ഉള്കാഴചയില്ലാത്ത മദ്ധ്യവര്ഗ്ഗ മലയാളി എന്ന് പറഞ്ഞാലും സന്തോഷം… കാരണം ഞങ്ങള് കൃത്യമായി ടാക്സും അടക്കാറുണ്ട്… എല്ലാ തിരഞ്ഞെടുപ്പിലും വോട്ടും ച്ചെയാറുണ്ട്… സിനിമയിലെ സ്ത്രീവിരുദ്ധ കഥാപാത്രങ്ങള്ക്ക് കാരണമാകുന്ന സമൂഹത്തിലെ സ്ത്രി വിരുദ്ധതയോട് ഒരക്ഷരം ഉരിയാടാന് ധൈര്യം കാണിക്കാത്ത WCC യുടെ ലക്ഷ്യം എന്താണെന്ന് എനിക്ക് മനസ്സിലായില്ലാ എന്ന് അദ്ദേഹം ചോദ്യക്കുമ്പോള് അത് സാധരണക്കാരായ എല്ലാ മനുഷ്യരുടെയും ചോദ്യമാണ്… പിന്നെ സ്വന്തം പേരില് 240ത് കേസുള്ള ആളുകള് നമ്മുടെ ജനപ്രതിനിധികളാകാന് മല്സരിക്കുമ്പോളാണ് കോടതി കുറ്റവാളി എന്ന് പറയാത്ത ഒരാള്ക്കെതിരെയുള്ള നന്മ മരങ്ങളുടെ ഓക്കാനങ്ങള് …. നിങ്ങളെയൊക്കെ പോലെ തന്നെ ഞങ്ങളും കേരളത്തില് തന്നെയാണ് ജീവിക്കുന്നത് … അരി തന്നെയാണ് തിന്നുന്നത് …
Discussion about this post