കൊച്ചി: ഏറെ നാളത്തെ കാത്തിരിപ്പിനു ശേഷമാണ് മലയാളത്തിന്റെ പ്രിയ നടന്‍ കുഞ്ചാക്കോ ബോബന് ഒരു ആണ്‍കുഞ്ഞ് പിറന്നത്. അന്നു മുതല്‍ ചാക്കോച്ചനും ഭാര്യയായ പ്രിയയ്ക്കും ആശംസാപ്രവാഹമായിരുന്നു. കുഞ്ഞിന്റെ വരവിനെ മലയാള സിനിമാലോകവും ആഘോഷിച്ചു.
ഇപ്പോഴിതാ മകന് ഇടാനുള്ള പേര് വെളിപ്പെടുത്തിയിരിക്കുകയാണ് താരം. കുഞ്ഞിന്റെ പേരെന്ത് എന്നുള്ള സോഷ്യല്‍ മീഡിയയിലെ ചര്‍ച്ചകള്‍ക്ക് വിരാമമിട്ടാണ് ഒരു അവാര്‍ഡ് നിശയില്‍ കുഞ്ചാക്കോ ബോബന്റെ തന്റെ കുഞ്ഞിന്റെ പേര് വെളിപ്പെടുത്തിയത്. ബോബന് കുഞ്ചാക്കോ എന്നാണ് കുഞ്ഞിന് പേരിട്ടിരിക്കുന്നത്. ഒരു സ്വകാര്യ ചാനലിന്റെ അവാര്‍ഡ് നിശയില്‍ യേശുദാസിനോടാണ് ചാക്കോച്ചന്‍ കുഞ്ഞിന്റെ പേര് വെളിപ്പെടുത്തിയത്.
അവാര്‍ഡ് നിശയില്‍ അവതാരകനായിട്ടായിരുന്നു കുഞ്ചാക്കോ ബോബന്. പുരസ്‌കാരം സ്വീകരിക്കാനായി വേദിയിലെത്തിയപ്പോള്‍ യേശുദാസ് അച്ഛനായതില്‍ കുഞ്ചാക്കോ ബോബനെ അഭിനന്ദിക്കുകയും കുഞ്ഞിന്റെ പേര് ചോദിക്കുകയുമായിരുന്നു. തന്റെ പേര് തിരിച്ചിട്ടാല്‍ മതിയെന്നായിരുന്നു ഇതിന് കുഞ്ചാക്കോ ബോബന്റെ മറുപടി.
ആരാധകര്‍ പ്രവചിച്ച പേര് തന്നെയാണ് അദ്ദേഹം കുട്ടിക്ക് നല്‍കിയത് ബോബന് കുഞ്ചാക്കോ