പുതുമുഖ താരം ഷെയിന് നിഗം നായകനായി എത്തുന്ന പുതിയ ചിത്രം വെയിലിന്റെ ചിത്രീകരണം ഉടന് ആരംഭിക്കും. വെയില് എന്ന് പേരിട്ടിരിക്കുന്ന ചിത്രം സംവിധാനം ചെയ്യുന്നത് അങ്കമാലി ഡയറീസ്, ഇ മ യൗ എന്നീ സിനിമകളില് ലിജോ ജോസ് പെല്ലിശേരിയുടെ സംവിധാന സഹായിയായിരുന്നു ശരതാണ്.
ഇരിഞ്ഞാലക്കുടയുടെ പശ്ചാത്തലത്തിലാണ് ചിത്രത്തിന്റെ കഥ പറയുന്നത്. ചിത്രത്തില് സുരാജ് വെഞ്ഞാറമ്മൂടും ഷൈന് ടോം ചാക്കോയും പ്രധാന കഥാപാത്രങ്ങളെ അവതരിപ്പിക്കുന്നുണ്ട്.
രജനികാന്ത് ചിത്രങ്ങളായ കബാലി, കാല എന്നിവയിലെ ഗാനങ്ങള് പാടിയ പ്രദീപ് മലയാളത്തില് സംഗീത സംവിധായകനാകുന്ന ചിത്രമാണ് വെയില്.
ഇഷ്കാണ് ഷെയ്ന് നിഗത്തിന്റെ പുറത്തിറങ്ങാനിരിക്കുന്ന ഏറ്റവും പുതിയ ചിത്രം. നവാഗതനായ ജീവനാണ് ചിത്രം സംവിധാനം ചെയ്തിരിക്കുന്നത്. ഇഷ്ക് കൂടാതെ വലിയപെരുന്നാള്, ഓള് തുടങ്ങിയവയാണ് പ്രദര്ശനത്തിനൊരുങ്ങുന്ന ഷെയിനിന്റെ പുതിയ ചിത്രങ്ങള്.
Discussion about this post