ടൊവീനോ തോമസ് നായകനായി എത്തുന്ന പുതിയ ചിത്രം ‘ഒരു കുപ്രസിദ്ധ പയ്യന്റെ’ പുതിയ ട്രെയിലര്‍ പുറത്തുവിട്ടു. ടൊവീനോയുടെ ആക്ഷന്‍ രംഗങ്ങളാണ് പുതിയ ട്രെയിലറില്‍ ഉള്‍ക്കൊള്ളിച്ചിരിക്കുന്നത്.
തലപ്പാവ്, ഒഴിമുറി എന്നീ ചിത്രങ്ങള്‍ക്ക് ശേഷം മധുപാല്‍ സംവിധാനം ചെയ്യുന്ന ചിത്രമാണ് കുപ്രസിദ്ധ പയ്യന്‍. അജയന്‍ എന്ന കഥാപാത്രത്തെയാണ് ചിത്രത്തില്‍ ടൊവീനോ അവതരിപ്പിക്കുന്നത്. അനു സിത്താരയാണ് ചിത്രത്തിലെ നായിക. നിമിഷ സജയന്‍, നെടുമുടി വേണു, ശ്വേത മേനോന്‍, സുധീര്‍ കരമന, തമിഴ് താരം ശരണ്യ എന്നിവരാണ് ചിത്രത്തിലെ മറ്റ് താരങ്ങള്‍.
ജീവന്‍ ജോബ് തോമസാണ് ചിത്രത്തിനുവേണ്ടി തിരക്കഥ ഒരുക്കിയിരിക്കുന്നത്. ശ്രീകുമാരന്‍ തമ്പിയുടെ വരികള്‍ക്ക് ഔസേപ്പച്ചനാണ് സംഗീതം നല്‍കിയിരിക്കുന്നത്. ചിത്രം നവംബര്‍ 9 ന് തീയ്യേറ്ററുകളിലെത്തും.
Discussion about this post