നമ്മള്‍ എന്ന ചിത്രത്തിലൂടെ സിനിമാ ജീവിതത്തിലേക്ക് കാലെടുത്ത് വെച്ച ഭാവന, വളരെ ചുരുങ്ങിയ കാലം കൊണ്ട് മലയാളികളുടെ ഇഷ്ടതാരമായി. എന്നാല്‍ 2017ല്‍ പുറത്തിറങ്ങിയ ആദം ജോണ്‍ എന്ന ചിത്രത്തിന് ശേഷം താരം മലയാള ചിത്രം കമ്മിറ്റ് ചെയ്തിട്ടില്ല.
മലയാള സിനിമയിലേക്കുള്ള തിരിച്ച് വരവ് എപ്പോഴാണെന്ന് പലപ്പോഴായി ആരാധകര്‍ ഭാവനയോട് ചോദിച്ചിട്ടുണ്ട്. ഇപ്പോഴിതാ ഒരു അഭിമുഖത്തില്‍ ഭാവന ആരാധകരുടെ ചോദ്യത്തിന് മറുപടി നല്‍കിയിരിക്കുകയാണ്. ആദം ജോണിനു ശേഷം താന്‍ ഒരു പടവും കമ്മിറ്റ് ചെയ്തിട്ടില്ല. മലയാള സിനിമ ചെയ്യുന്നതിനെപ്പറ്റി ഇപ്പോള്‍ ആലോചിക്കുന്നില്ലെന്ന് ഭാവന വ്യക്തമാക്കി.
അതോടൊപ്പം അഭിമുഖത്തില്‍ ആരാധകരുടെ സ്‌നേഹത്തിനും പിന്തുണയ്ക്കും താരം നന്ദി പറയുന്നു.എല്ലാവരുടെയും മെസേജുകള്‍ക്ക് മറുപടി കൊടുക്കാന്‍ സമയം കിട്ടാറില്ലെന്നും എന്നാല്‍ തന്നെ പിന്തുണയ്ക്കുന്ന മെസേജുകള്‍ ഒരു പ്രചോദനമാണെന്നും ഭാവന പറയുന്നു.
Discussion about this post