കോമഡി ഹൊറര്‍ സീരീസായ കാഞ്ചനയിലെ പുതിയ ചിത്രം കാഞ്ചന 3 യിലെ പുതിയ വീഡിയോ ഗാനം റിലീസ് ചെയ്തു. ഇതിനോടകം മികച്ച പ്രതികരണമാണ് വീഡിയോയ്ക്ക് ലഭിച്ചുകൊണ്ടിരിക്കുന്നത്. രാഘവ ലോറന്‍സ് സംവിധാനം ചെയ്ത് മുഖ്യ വേഷത്തില്‍ അഭിനയിക്കുന്ന ചിത്രത്തില്‍ ഓവിയയും വേദികയുമാണ് നായികമാരാകുന്നത്.
കോവയ് സരള, കബീര്‍, മനോബാല എന്നിവരാണ് മറ്റ് പ്രധാന അഭിനേതാക്കള്‍. ചിത്രത്തിലെ സംഗീതം ഒരുക്കിരിക്കുന്നത് എസ് തമ്മന്‍ ആണ്. സണ്‍ പിക്‌ചേഴ്‌സിന്റെ ബാനറില്‍ ലൈനിധി മാരന്‍ ആണ് ചിത്രം നിര്‍മിക്കുന്നത്. ചിത്രം ഏപ്രില്‍ 19ന് പ്രദര്‍ശനത്തിന് എത്തും.
മുനിക്കും മുനിയുടെ രണ്ടാം ഭാഗമായ കാഞ്ചനയ്ക്കും ശേഷം തിയറ്ററുകളില്‍ എത്തിയ ചിത്രം കാഞ്ചന 2 ന് മികച്ച പ്രതികരണമാണ് ലഭിച്ചത്. അതെ സമയം ചിത്രം നൂറ് കോടി ക്ലബില്‍ എത്തിയിരുന്നു. ലോറന്‍സ് തന്നെയാണ് ചിത്രത്തില്‍ പ്രധാന വേഷം അവതരിപ്പിച്ചതും