വിനയ് ഫോര്ട്ട് കേന്ദ്ര കഥാപാത്രമായി എത്തുന്ന ‘തമാശ’യിലെ ആദ്യ ഗാനം അണിയറപ്രവര്ത്തകര് പുറത്തുവിട്ടു. ‘പാടീ ഞാന്’ എന്ന് തുടങ്ങുന്ന പാട്ടാണ് പുറത്ത് വിട്ടത്. ‘മായാനദി’ക്കു ശേഷം റെക്സ് വിജയനും ഷഹബാസ് അമനും ഒന്നിക്കുന്ന ചിത്രം കൂടിയാണ് ‘തമാശ’. ഷഹബാസ് അമന് ആണ് പാട്ട് പാടിയിരിക്കുന്നത്. മുഹ്സിന് പരാരിയാണു വരികള് എഴുതിയിരിക്കുന്നത്.
റൊമാന്റിക്ക് കോമഡി ചിത്രമാണ് ‘തമാശ’. കോളേജ് അധ്യാപകനായിട്ടാണ് വിനയ് ഫോര്ട്ട് ചിത്രത്തിലെത്തുന്നത്. ദിവ്യ പ്രഭ, ഗ്രേസ് ആന്റണി, ചിന്നു ചാന്ദിനി, എന്നിവരാണ് ചിത്രത്തിലെ നായികമാര്. നവാസ് വള്ളിക്കുന്ന്, അരുണ് കുര്യന്, ആര്യ സാലിം എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
ചിത്രത്തിന്റെ തിരക്കഥയും സംവിധാനവും നവാഗതനായ അഷ്റഫ് ഹംസയാണ്. ലിജോ ജോസ് പെല്ലിശ്ശേരി, ചെമ്പന് വിനോദ്, സമീര് താഹിര്, ഷൈജു ഷാലിദ് എന്നിവര് ചേര്ന്നാണ് ചിത്രം നിര്മ്മിക്കുന്നത്. ഈദ് റിലീസ് ആയി ചിത്രം തീയ്യേറ്ററുകളില് എത്തും.
Discussion about this post