അടുത്തിടെ പരന്ന വാര്‍ത്തകളില്‍ ഒന്നാണ് ബോളിവുഡ് താരം പ്രിയങ്ക ചോപ്രയുടെ സഹോദരന്‍ സിദ്ധാര്‍ഥ് ചോപ്രയുടെ വിവാഹം മുടങ്ങി എന്നത്. എന്നാല്‍ ഇത് അടിസ്ഥാന രഹിതമെന്ന് കുടുംബം പറയുന്നു. ഭാവിവധുവിന് അടിയന്തിര ശസ്ത്രക്രിയ നടത്തേണ്ടി വന്നതിനാലാണ് മാറ്റിവെച്ചതെന്ന് കുടുംബത്തിനോടടുത്ത വൃത്തങ്ങള്‍ പറയുന്നു.
അമേരിക്കന്‍ ഗായകന്‍ നിക്ക് ജോനാസുമായുള്ള വിവാഹശേഷം വിദേശത്തായിരുന്നു താരം. ഏതാനും മാസങ്ങള്‍ക്ക് മുന്‍പാണ് നിക്കുമൊത്ത് സിദ്ധാര്‍ത്ഥിന്റെ വിവാഹനിശ്ചയ ചടങ്ങില്‍ പങ്കെടുക്കാന്‍ പ്രിയങ്ക ഇന്ത്യയിലെത്തിയത്. ‘സിദ്ധാര്‍ഥിന്റെ വിവാഹം മുടങ്ങി എന്നുള്ള കിംവദന്തികള്‍ പുറത്തു വന്നിരുന്നു. എന്നാല്‍ അത് സത്യമല്ല ..ശസ്ത്രക്രിയ കഴിഞ്ഞ് സുഖം പ്രാപിക്കാന്‍ ഇഷിതയ്ക്ക് അല്‍പം സമയം വേണം. ഇരുകുടുംബങ്ങളും മറ്റൊരു മുഹൂര്‍ത്തം നോക്കുകയാണ്’. റിപ്പോര്‍ട്ടില്‍ പറയുന്നു.
ഭര്‍ത്താവിനൊപ്പം യുഎസില്‍ താമസിക്കുന്ന പ്രിയങ്ക സഹോദരന്റെ വിവാഹത്തിനായാണ് നാട്ടിലെത്തിയത്. എന്നാല്‍ വിവാഹം മാറ്റി വച്ചതിനെ തുടര്‍ന്ന് കഴിഞ്ഞ ദിവസം ലോക്‌സഭാ തെരഞ്ഞെടുപ്പില്‍ വോട്ട് രേഖപ്പെടുത്തിയ ശേഷം പ്രിയങ്ക തിരിച്ചു യുഎസിലേക്ക് തന്നെ മടങ്ങി. കഴിഞ്ഞ ഫെബ്രുവരി 27-ന് ഡല്‍ഹിയില്‍ വച്ചായിരുന്നു സിദ്ധാര്‍ഥിന്റെ വിവാഹനിശ്ചയ ചടങ്ങുകള്‍ നടന്നത്. ചടങ്ങുകളുടെ ചിത്രങ്ങള്‍ പ്രിയങ്ക സോഷ്യല്‍ മീഡിയയിലൂടെ ആരാധകരുമായി പങ്കുവയ്ക്കുകയും ചെയ്തിരുന്നു. ഏറെ നാളത്തെ പ്രണയത്തിനൊടുവിലാണ് ഇഷിതയെ സിദ്ധാര്‍ഥ് വിവാഹം ചെയ്യാനൊരുങ്ങുന്നത്.
Discussion about this post