കേരളത്തെ മുള്‍മുനയില്‍ നിര്‍ത്തിയ നിപ്പാ വൈറസിനെ പ്രമേയമാക്കി ആഷിക്ക് അബു സംവിധാനം ചെയ്യുന്ന ചിത്രമാണ് വൈറസ്. രേവതി, ആസിഫ് അലി, റിമ കല്ലിങ്കല്‍, ടോവീനോ തോമസ്, പാര്‍വതി, രമ്യ നമ്പീശന്‍, സൗബിന്‍ ഷാഹിര്‍, ദിലീഷ് പോത്തന്‍, ചെമ്പന്‍ വിനോദ്, ഇന്ദ്രന്‍സ്, ഇന്ദ്രജിത്ത് സുകുമാരന്‍, പൂര്‍ണിമ ഇന്ദ്രജിത്ത്, റഹ്മാന്‍, കുഞ്ചാക്കോ ബോബന്‍ തുടങ്ങി വന്‍താരനിര തന്നെയാണ് ചിത്രത്തില്‍ അഭിനയിക്കുന്നുണ്ട്.
കൂടാതെ നീണ്ട ഇടവേളയ്ക്ക് ശേഷം പൂര്‍ണിമ ഇന്ദ്രജിത്ത് അഭിനയരഗത്തേയ്ക്ക് തിരിച്ചു വരുന്നു എന്ന പ്രത്യേകതയും ഈ ചിത്രത്തിനുണ്ട്. പൂര്‍ണിമയുടെ ഭര്‍ത്താവ് ഇന്ദ്രജിത്തും ചിത്രത്തില്‍ പ്രധാന വേഷത്തിലെത്തുന്നുണ്ട്. എന്നാല്‍ തങ്ങള്‍ രണ്ടു പേര്‍ക്കും ഒരുമിച്ച് അഭിനയിക്കാന്‍ ഒരു ഷോട്ട് പോലും ആഷിക്് അബു തന്നില്ല എന്നാണ് ഇന്ദ്രജിത്തിന്റെ പരാതി.
‘വൈറസി’ന്റെ ട്രെയിലര്‍ ലോഞ്ചിനിടെയായിരുന്നു ഇന്ദ്രജിത്തിന്റെ ഈ പരിഭവം പറച്ചില്‍. ഈ സിനിമയില്‍ എങ്കിലും ഒന്നിച്ചുകാണാന്‍ ആകുമോ എന്ന പൂര്‍ണിമയോടുള്ള അവതാരകന്റെ ചോദ്യത്തിന് മറുപടിയായിട്ടായിരുന്നു ഇന്ദ്രജിത്ത് തന്റെ പരിഭവം തുറന്നു പറഞ്ഞത്.
ആ ഒരു വിഷമം മാത്രമേയുള്ളൂ. ഈ സിനിമയില്‍ ആഷിഖ് എനിക്ക് ഒരു ഷോട്ടുപോലും പൂര്‍ണിമയുടെ കൂടെ തന്നില്ല. ഒരു സീനില്‍ പോലും ഞങ്ങളൊരുമിച്ചില്ലെന്നും ഇന്ദ്രജിത്ത് പറഞ്ഞു. ആഷിഖ് അത്ര ക്രൂരനാണോ എന്ന അവതാരകന്റെ ചോദ്യത്തിന് ഞാനത് മനഃപൂര്‍വ്വം ചെയ്തതാണെന്നായിരുന്നു ആഷിക്കിന്റെ രസകരമായ മറുപടി.
Discussion about this post