ചലച്ചിത്ര താരം കുഞ്ചാക്കോ ബോബന് കുഞ്ഞ് പിറന്നു. ആണ്‍ കുഞ്ഞാണ് കുഞ്ചാക്കോ ബോബന് പ്രിയ ദമ്പതികള്‍ക്ക് പിറന്നിരിക്കുന്നത്. കുഞ്ചാക്കോ ബോബന് തന്നെയാണ് ജൂനിയര്‍ കുഞ്ചാക്കോയുടെ വരവിനെപ്പറ്റി ഇന്‍സ്റ്റഗ്രാം അക്കൗണ്ട് വഴി ആരാധകരെ അറിയിച്ചത്.
കുഞ്ചാക്കോ ബോബന്റെ പോസ്റ്റിന് താഴെ ടൊവിനോ തോമസ്, സംയുക്ത മേനോന്‍ ഉള്‍പ്പെടെയുള്ള നിരവധി താരങ്ങള്‍ ആശംസകളുമായി എത്തിയിട്ടുണ്ട്. ആറ് വര്‍ഷം നീണ്ട പ്രണയത്തിനൊടുവില്‍ 2005 ലാണ് കുഞ്ചാക്കോ ബോബനും പ്രിയ ആന്‍ സാമുവേലും വിവാഹിതരായത്.
14 വര്‍ഷത്തെ കാത്തിരിപ്പിനൊടുവിലാണ് ഇവര്‍ക്ക് കുഞ്ഞ് പിറന്നിരിക്കുന്നത്. കഴിഞ്ഞ ആഴ്ച്ചയായിരുന്നു ഇവരുടെ പതിനാലാം വിവാഹവാര്‍ഷികം. ഈ വിവാഹവാര്‍ഷികം നമുക്ക് ഏറെ സ്‌പെഷ്യലാണെന്ന് ഭാര്യയ്ക്ക് വിവാഹ വാര്‍ഷികാശംസകള്‍ നേര്‍ന്ന് കൊണ്ട് കുഞ്ചാക്കോ ബോബന് സോഷ്യല്‍ മീഡിയയില്‍ കുറിച്ചിരുന്നു. 1997 -ല്‍ പുറത്തിറങ്ങിയ അനിയത്തിപ്രാവിലൂടെയാണ് കുഞ്ചാക്കോ ബോബന് നായകനായി അരങ്ങേറ്റം കുറിച്ചത്.
Discussion about this post