ആരാധകരുടെ പ്രിയതാരം സണ്ണി ലിയോണ്‍ മലയാളത്തിലെത്തുന്നു. മലയാളത്തിലെ തന്റെ ആദ്യ ചിത്രത്തിന്റെ സന്തോഷം പങ്കുവച്ചു കൊണ്ട് സണ്ണി ലിയോണ്‍ തന്നെയാണ് വിവരം പുറത്ത് വിട്ടത്.
രംഗീല എന്ന ചിത്രത്തിലൂടെയാണ് സണ്ണി ലിയോണി മലയാളത്തിലേക്ക് രംഗ പ്രവേശം നടത്തുന്നത്. സന്തോഷ് നായരാണ് ചിത്രം സംവിധാനം ചെയ്യുന്നത്.
മണിരത്നം, സച്ചിന്‍ എന്നീ ചിത്രങ്ങള്‍ക്ക് ശേഷം സന്തോഷ് നായര്‍ സംവിധാനം ചെയ്യുന്ന ചിത്രമാണ് രംഗീല. കോ പ്രൊഡക്ഷന്‍-ഫെയറി ടെയില്‍ പ്രൊഡക്ഷന്‍സ് ഡിസ്ട്രിബ്യൂഷന്‍ വണ്‍ വേള്‍ഡ് എന്റെര്‍ടെയ്ന്‍മെന്റ്സ്, പ്രൊജക്ട് ഡിസൈന്‍ ജോസഫ് വര്‍ഗീസ്.
പോസ്റ്റ് പ്രൊഡക്ഷന്‍ വര്‍ക്കുകള്‍ നടന്നുകൊണ്ടിരിക്കുന്ന ജയറാം കൈലാസ് ചിത്രം പപ്പുവിനുശേഷം ബാക്ക്വാട്ടര്‍ സ്റ്റുഡിയോസ് നിര്‍മിക്കുന്ന 5ാമത്തെ ചിത്രമാണ് രംഗീല.