കൊച്ചി:പെരുമ്പാവൂരില്‍ കൊല്ലപ്പെട്ട നിയമ വിദ്യാര്‍ത്ഥിനി ജിഷയുടെ അമ്മ രാജേശ്വരി സിനിമയില്‍ അഭിനയിക്കുന്നു. ‘എന്‍മഗജ ഇതാണ് ലൗ സ്റ്റോറി’ എന്ന ചിത്രത്തിലൂടെയാണ് രാജേശ്വരി സിനിമാ രംഗത്തേക്ക് കാലെടുത്ത് വെയ്ക്കുന്നത്. നവാഗതനായ ബിലാല്‍ മെട്രിക്സ് ആണ് ചിത്രം സംവിധാനം ചെയ്യുന്നത്.
നിയാസ് പെരുമ്പാവൂരാണ് ചിത്രത്തിന്റെ നിര്‍മ്മാതാവ്. ഈ വര്‍ഷം തന്നെ സിനിമ തീയ്യേറ്ററിലെത്തുമെന്നാണ് സൂചന. സിനിമ ഫുള്‍ സസ്പെന്‍സ് ആണെന്നും എല്ലാവരും അറിഞ്ഞിരിക്കേണ്ട കഥയാണ് ചിത്രത്തില്‍ അവതരിപ്പിക്കുന്നതെന്നും രാജേശ്വരി വ്യക്തമാക്കി.
തനിക്ക് ഇപ്പോള്‍ ധാരാളം രോഗങ്ങളുണ്ടെന്നും ചികിത്സിക്കാന്‍ പണം ആവശ്യമായതിനാലാണ് സിനിമയില്‍ അഭിനയിക്കാന്‍ അവസരം ലഭിച്ചപ്പോള്‍ അഭിനയിക്കാന്‍ തീരുമാനിച്ചതെന്നും രാജേശ്വരി പറഞ്ഞു.തെരഞ്ഞെടുപ്പില്‍ മത്സരിക്കാന്‍ അവസരം നല്‍കുകയാണെങ്കില്‍ സ്ഥാനാര്‍ത്ഥിയാകാന്‍ താന്‍ തയ്യാറാണെന്നും രാജേശ്വരി കൂട്ടിച്ചേര്‍ത്തു.
Discussion about this post