ദുല്‍ഖറും സണ്ണിവെയ്‌നും തകര്‍ത്ത് അഭിനയിച്ച ചിത്രമായിരുന്നു 2013 ല്‍ പുറത്തിറങ്ങിയ ‘നീലാകാശം പച്ചക്കടല്‍ ചുവന്ന ഭൂമി’ എന്ന ചിത്രം. ദുല്‍ഖര്‍ സല്‍മാന്‍ അവതരിപ്പിച്ച ‘കാസി’ എന്ന കഥാപാത്രം തന്റെ കാമുകി തെരഞ്ഞ് കൂട്ടുക്കാരനുമൊത്ത് നാഗാലാന്റ് വരെ ബൈക്കില്‍ നടത്തുന്ന യാത്രയാണ് ചിത്രത്തില്‍.
‘നീലാകാശം പച്ചക്കടല്‍ ചുവന്ന ഭൂമി’ മലയാളത്തിലെ ആദ്യത്തെ ട്രാവല്‍ മൂവിയെന്നാണ് അറിയപ്പെടുന്നത്. സമീര്‍ താഹിര്‍ ആണ് ചിത്രം സംവിധാനം ചെയ്തത്. ഇപ്പോഴിതാ സിനിമയുടെ ചിത്രീകരണ ദൃശ്യങ്ങള്‍ പങ്കുവെച്ച് നിര്‍മ്മാതാക്കളായ ഹാപ്പി അവേഴ്‌സ് രംഗത്തെത്തിയിരിക്കുകയാണ്.
ചിത്രത്തിലെ കൊല്‍ക്കത്ത കാഴ്ചകളിലെ അണിയറ വീഡിയോ ആണ് പുറത്തുവിട്ടിരിക്കുന്നത്. ദുല്‍ഖറും സണ്ണിവെയ്‌നും കൊല്‍ക്കത്തയിലെ നിരത്തുകളിലൂടെ ബുള്ളറ്റ് ഓടിക്കുന്നതും തിരക്കേറിയ പാതകളിലൂടെ സഞ്ചരിക്കുന്ന രംഗങ്ങളുമാണ് ചിത്രീകരണ വീഡിയോയിലുള്ളത്. സംവിധായകനായ സമീര്‍ താഹിര്‍ നടന്‍മാരായ ഷൈന്‍ ടോം ചാക്കോ, സിദ്ധാര്‍ത്ഥ് ഭരതന്‍ എന്നിവരെയും ചിത്രീകരണ വീഡിയോയില്‍ കാണാം.
Discussion about this post