ബിജു മേനോനെയും നിമിഷ സഹജനെയും കേന്ദ്ര കഥാപാത്രങ്ങളാക്കി ലാല്‍ ജോസ് പുതിയ ചിത്രം ഒരുക്കുന്നു.മാര്‍ച്ച് നാല് തിങ്കളാഴ്ചയായിരുന്നു ചിത്രത്തിന്റെ ഷൂട്ടിംങ് ആരംഭിച്ചത്. ലാല്‍ ജോസ് തന്റെ ഔദ്യോഗിക ഫേസ്ബുക്ക് അക്കൗണ്ടിലൂടെയാണ് ഇക്കാര്യം അറിയിച്ചിരിക്കുന്നത്.
തലശ്ശേരിയില്‍ വെച്ചായിരുന്നു ചിത്രത്തിന്റെ ഷൂട്ടിംങ് ആരംഭിച്ചത്. ഏവരുടെയും പ്രതീക്ഷക്കൊത്ത ഒരു സിനിമ സംഭവിക്കട്ടെയെന്ന് പ്രാര്‍ത്ഥിച്ച് കൊണ്ടാണ് അദ്ദേഹം പോസ്റ്റ് അവസാനിപ്പിച്ചത്.
ഫേസ്ബുക്ക് പോസ്റ്റിന്റെ പൂര്‍ണ്ണരൂപം
‘ഈ ശിവരാത്രി നാളില്‍ നിങ്ങളുടെ പ്രാര്‍ത്ഥനകളില്‍ എന്നേയും കൂടി ഓര്‍ക്കുമല്ലോ. കാരണമുണ്ട്. നമ്മുടെ പുതിയ സിനിമ ഇന്ന് തലശ്ശേരിയില്‍ തുടങ്ങുകയാണ്. ബിജുമേനോനും നിമിഷയുമാണ് പ്രധാനകഥാപാത്രങ്ങള്‍. ഒപ്പം ഏറെക്കാലമായി സിനിമ സ്വപ്നം കാണുന്ന നിരവധി കലാകാരന്മാരും ഈ ചിത്രത്തിലൂടെ ആദ്യമായി തിരശ്ശീലയിലേക്ക് എത്തുന്നു. ഏവരുടെയും പ്രതീക്ഷക്കൊത്ത ഒരു സിനിമ സംഭവിക്കട്ടെ എന്ന പ്രാര്‍ത്ഥനയോടെ ഞങ്ങള്‍…’
