വിജയ് സേതുപതിയും തൃഷയും ‘റാമും’ ‘ജാനു’വുമായി തകര്‍ത്ത് അഭിനയിച്ച സൂപ്പര്‍ഹിറ്റ് ചിത്രം 96ന്റെ കന്നട റീമേക്കിന്റെ ആദ്യ ഗാനം അണിയറപ്രവര്‍ത്തകര്‍ പുറത്തുവിട്ടു. ’99’ എന്ന പേരിലാണ് ചിത്രം കന്നടയില്‍ ഒരുക്കിയിരിക്കുന്നത്.
കന്നടയില്‍ തൃഷ അവതരിപ്പിച്ച ജാനുവിനെ അവതരിപ്പിക്കുന്നത് ഭാവനയാണ്. വിജയ് സേതുപതിയുടെ കഥാപാത്രത്തെ അവതരിപ്പിക്കുന്നത് ഗോള്‍ഡന്‍ സ്റ്റാര്‍ എന്ന് കന്നടയില്‍ അറിയപ്പെടുന്ന ഗണേഷ് ആണ്.
പ്രീതം ഗബ്ബയാണ് ചിത്രത്തിന്റെ സംവിധായകന്‍. പ്രമുഖ കന്നട സംഗീത സംവിധായകന്‍ അര്‍ജുന്‍ ജന്യയാണ് ഗാനം ഒരുക്കിയിരിക്കുന്നത്.
തമിഴില്‍ സൂപ്പര്‍ ഹിറ്റായ ’96’ കന്നടയ്ക്ക് പുറമെ തെലുങ്കിലും ഒരുങ്ങുന്നുണ്ട്. ഷര്‍വാനന്ദും, സാമന്തയുമാണ് തെലുങ്കില്‍ റാമിനേയും ജാനുവിനേയും അവതരിപ്പിക്കുന്നത്.
Discussion about this post