ബോളിവുഡ് സൂപ്പര്‍ ഹിറ്റ് ചിത്രം പിങ്കിന്റെ തമിഴ് റീമേക്ക് വരുന്നു. ‘നേര്‍കൊണ്ട പാര്‍വേ’ എന്നാണ് ചിത്രത്തിന് നല്‍കിയിരിക്കുന്ന പേര്. ചിത്രത്തിന്റെ ഫസ്റ്റ് ലുക്ക് പോസ്റ്റര്‍ അണിയറപ്രവര്‍ത്തകര്‍ പുറത്തുവിട്ടു. ഹിന്ദിയില്‍ ബിഗ്ബി അവതരിപ്പിച്ച വക്കീലിന്റെ വേഷത്തില്‍ എത്തുന്നത് അജിത്താണ്. ധീരന്‍ അധികാരം ഒന്‍ട്രു എന്ന ഹിറ്റ് ചിത്രത്തിന് ശേഷം എച്ച് വിനോദ് സംവിധാനം ചെയ്യുന്ന ചിത്രമാണിത്.
തപ്സി അവതരിപ്പിച്ച കഥാപാത്രത്തെ തമിഴില്‍ അവതരിപ്പിക്കുന്നത് ശ്രദ്ധ ആണ്. അജിത്തിന്റെ ഭാര്യയുടെ വേഷത്തില്‍ വിദ്യ ബാലന്‍ എത്തുമെന്നാണ് സൂചന. ബോണി കപൂറാണ് ചിത്രം നിര്‍മ്മിക്കുന്നത്. അജിത്തിനെ നായകനാക്കി തമിഴില്‍ ഒരു സിനിമ ചെയ്യണമെന്നത് ശ്രീദേവിയുടെ ആഗ്രഹം. അത് സഫലമാക്കാനാണ് താന്‍ ഈ ചിത്രം നിര്‍മ്മിക്കുന്നതെന്ന് ബോണി കപൂര്‍ പറഞ്ഞു.
ബോളിവുഡില്‍ 2016 ല്‍ പുറത്തിറങ്ങിയ സൂപ്പര്‍ ഹിറ്റ് ചിത്രമാണ് ‘പിങ്ക്’. ബലാത്സംഗം ചെയ്യപ്പെട്ട ഒരു പെണ്‍കുട്ടി നടത്തുന്ന നിയമ പോരാട്ടത്തിന്റെ കഥയാണ് ചിത്രം പറഞ്ഞത്.
#ThalaAjith’s new Film titled #Nerkondapaarvai directed by #HVinoth .1st look of @nerkondapaarvai @thisisysr @ShraddhaSrinath @dhilipaction @ZeeTamil @DoneChannel1 @ProRekha @ZeeStudios_ pic.twitter.com/HugLFejVjK
— Sreedhar Pillai (@sri50) March 4, 2019
Discussion about this post