കാളിദാസ് ജയറാം നായകനായി എത്തിയ പുതിയ ചിത്രം മിസ്റ്റര്‍ ആന്‍ഡ് മിസ് റൗഡി മികച്ച പ്രേക്ഷക പ്രതികരണങ്ങളോടെ തീയ്യേറ്ററില്‍ പ്രദര്‍ശനം തുടരുകയാണ്. ചിത്രത്തിലെ പുതിയ ഗാനം അണിയറപ്രവര്‍ത്തകര്‍ പുറത്തുവിട്ടു. ഗായകന്‍ അഫ്‌സന്‍ ആലപിച്ച ‘ഉശിരത്തി പെണ്ണൊരുത്തി’ എന്ന് തുടങ്ങുന്ന ഗാനമാണ് പുറത്തു വിട്ടിരിക്കുന്നത്. ഹരിനാരായണന്റെ വരികള്‍ക്ക് അരുണ്‍ വിജയ് ആണ് സംഗീതം നല്‍കിയിരിക്കുന്നത്.
തൊഴില്‍രഹിതരായ ഒരു പറ്റം ചെറുപ്പക്കാര്‍ റൗഡികളാകാന്‍ ആഗ്രഹിക്കുന്ന കഥ നര്‍മ്മത്തില്‍ ചാലിച്ച് പ്രേക്ഷകര്‍ക്ക് മുന്നില്‍ എത്തിച്ചിരിക്കുകയാണ് സംവിധായകന്‍ ജീത്തു ജോസഫ്. അപര്‍ണ ബാലമുരളി ആണ് നായിക. ഷെബിന്‍ ബെന്‍സണ്‍, ഗണപതി, വിഷ്ണു, ശരത് സഭ, ഭഗത് മാനുവല്‍ തുടങ്ങിയവരാണ് ചിത്രത്തിലെ മറ്റ് താരങ്ങള്‍. ജീത്തു ജോസഫിന്റെ ഭാര്യ ലിന്റയാണ് ചിത്രത്തിന്റെ കഥ ഒരുക്കിയിരിക്കുന്നത്. ഗോകുലം ഗോപാലനും ജീത്തുജോസഫും ചേര്‍ന്നാണ് ചിത്രം നിര്‍മ്മിച്ചിരിക്കുന്നത്.
Discussion about this post