തിരുവനന്തപുരം: ചലച്ചിത്ര താരം ദിവ്യാ ഗോപിനാഥിനോട് അപമര്യാദയായി പെരുമാറിയ നടന് അലന്സിയര് ഇന്നലെ മാപ്പ് പറഞ്ഞിരുന്നു. ഇതില് പ്രതികരണവുമായി എത്തിയിരിക്കുകയാണ് സിനിമാ രംഗത്തെ വനിതാ കൂട്ടായ്മ ഡബ്ല്യുസിസി.
ഈ മാപ്പപേക്ഷ മുറിവുണക്കലിന്റെ ചെറിയൊരു ആംഗ്യ പ്രകടനമായി ഞങ്ങള് വിലയിരുത്തുന്നുവെന്ന് ഡബ്ല്യുസിസി ഔദ്യോഗിക ഫേസ്ബുക്കില് കുറിച്ചു. അപമാനകരമായ പെരുമാറ്റങ്ങളെക്കുറിച്ചുള്ള തിരിച്ചറിവുകള് പ്രധാനമാണ്. ഈ മാപ്പു പറച്ചില് ഭാവിയില് അത്തരം തിരിച്ചറിവിന്റെ മുന്നോടിയായി കണക്കാക്കാവുന്നതാണെന്ന് ഡബ്ല്യുസിസി കുറിച്ചു.
ഫേസ്ബുക്ക് പോസ്റ്റിന്റെ പൂര്ണ്ണരൂപം
‘തൊഴിലിടത്ത് അപമര്യാദയായി പെരുമാറിയതിന് ഞങ്ങളുടെ സഹപ്രവര്ത്തക ദിവ്യ ഗോപിനാഥിനോട് നടന് അലന്സിയര് മാപ്പു പറഞ്ഞിരിക്കുകയാണ്. മാധ്യമങ്ങളിലൂടെയാണ് ഇക്കാര്യം ലോകം അറിയുന്നത്. സിനിമയില് സ്ത്രീ അനുഭവിക്കുന്ന സുരക്ഷിതത്വമില്ലായ്മക്കും അപമാനത്തിനും ഇതൊരു പരിഹാരമൊന്നുമല്ലെന്നും എന്ന് ഞങ്ങള് മനസ്സിലാക്കുന്നു.
എല്ലാ തരത്തിലുമുള്ള ലൈംഗിക പീഡനങ്ങളെയും അപമാന ശ്രമങ്ങളെയും ഡബ്ല്യുസിസി അപലപിക്കുന്നു. എന്നാല് നടന് അലന്സിയറിന്റെ ഈ മാപ്പപേക്ഷ മുറിവുണക്കലിന്റെ ചെറിയൊരു ആംഗ്യ പ്രകടനമായി ഞങ്ങള് വിലയിരുത്തുന്നു. അത്തരം അപമാനകരമായ പെരുമാറ്റങളെക്കുറിച്ചുള്ള തിരിച്ചറിവുകള് പ്രധാനമാണ് . ഈ മാപ്പു പറച്ചില് ഭാവിയില് അത്തരം തിരിച്ചറിവിന്റെ മുന്നോടിയായി കണക്കാക്കാവുന്നതാണ്.’
Discussion about this post