നടന്‍ ജഗതി ശ്രീകുമാറിന്റ പേരില്‍ തുടങ്ങിയിരിക്കുന്നത് വ്യാജ അക്കൗണ്ടാണെന്ന് വ്യക്തമാക്കി മകള്‍ പാര്‍വതി. ജഗതിക്ക് നിലവില്‍ ഫേസ്ബുക്കില്‍ ഒഫീഷ്യല്‍ ആയി അക്കൗണ്ട് ഒന്നും തന്നെ ഇല്ല. ഇത്തരം വ്യാജ അക്കൗണ്ടുകളും വ്യാജ വാര്‍ത്തകളും പ്രോത്സാഹിപ്പിക്കരുത് എന്നും പാര്‍വതി പറഞ്ഞു.
ജഗതി ശ്രീകുമാറിന്റെ പേരില്‍ സജീവമായിട്ടുള്ള ആ ഫേസ്ബുക്ക് പേജില്‍ കഴിഞ്ഞദിവസം ‘ജഗതി തിരശ്ശീലയിലേയ്ക്ക് തിരിച്ചു വരുന്നു’ എന്നതുള്‍പ്പെടെയുള്ള പോസ്റ്റുകള്‍ പ്രത്യക്ഷപ്പെട്ടിരുന്നു. എന്നാല്‍, ഇത് വ്യാജ അക്കൗണ്ടാണെന്നും ഇത്തരം അക്കൗണ്ടുകള്‍ പ്രോത്സാഹിപ്പിക്കാതിരിക്കാന്‍ ശ്രമിക്കണമെന്നും പാര്‍വതി തന്റെ ഫേസ്ബുക്ക് പേജില്‍ വ്യക്തമാക്കി.
തിരിച്ചുവരവ് കാത്തിരിക്കുമ്പോഴാണ് ആരാധകരെ ആവേശത്തിലാക്കിയാണ്
ജഗതി ശ്രീകുമാര്‍ അഭിനയത്തിലേക്ക് തിരിച്ചുവരുന്നുവെന്ന വാര്‍ത്ത പുറത്തുവന്നത്. താരത്തിന്റെ തിരിച്ചുവരവിനെ സ്വാഗതം ചെയ്തും ആശംസകളര്‍പ്പിച്ചും താരങ്ങളുള്‍പ്പടെ നിരവധി പേര്‍ രംഗത്ത് വരികയും ചെയ്തു.
ഇതിന് പിന്നാലെയാണ് ജഗതിയുടെ പേരിലുള്ള ഫേസ്ബുക്ക് പേജും തിരിച്ചുവരവിനെ കുറിച്ചുള്ള ട്രോളുകളും വൈറലായത്. നിരവധി പേര്‍ അത് താരത്തിന്റെ തന്നെ ഔദ്യോഗിക പേജാണെന്ന് കരുതി പേജില്‍ പോസ്റ്റുകള്‍ ഷെയര്‍ ചെയ്യുകയും ചെയ്തിരുന്നു.
Discussion about this post