റിലീസിന് മുന്നേ തന്നെ ഒട്ടേറെ ചര്‍ച്ചചെയ്യപ്പെട്ട ചിത്രമായിരുന്നു ഒമര്‍ ലുലുവിന്റെ ‘ഒരു അഡാര്‍ ലൗ’. സിനിമയുടെ ആദ്യം പുറത്തിറങ്ങിയ ഗാനം സമൂഹ മാധ്യമങ്ങളില്‍ വൈറല്‍ ആവുകയും. മാണിക്യ മലരായ പൂവിയിലൂടെ പ്രിയവാര്യര്‍ ലോകത്തിന്റെ തന്നെ മനം കവര്‍ന്നിരുന്നു. കാത്തിരിപ്പിനൊടുവില്‍ ചിത്രം റിലീസ് ആയതോടെ നൂറിന് ഷെരീഫാണ് ആരാധകരുടെ മനം കവരുന്നത്.
പ്രശസ്തയായ പ്രിയയെക്കാള്‍ സ്‌ക്രീന്‍ സ്‌പൈസും, പ്രാധാന്യവും മുന്‍ മിസ് കേരള കൂടിയായിരുന്ന നൂറിന് ഷെരീഫിനാണ് ലഭിക്കുന്നത്. അപ്രതീക്ഷിതമായി ലഭിച്ച പ്രശസ്തിയെ തുടര്‍ന്ന് പ്രിയ വാര്യര്‍ക്ക് ചിത്രത്തില്‍ കൂടുതല്‍ പ്രാധാന്യം നല്‍കണമെന്ന ആവശ്യം ഉയര്‍ന്നിരുന്നു. തുടര്‍ന്ന് കഥയില്‍ മാറ്റം വരുത്തിയാണ് റിലീസിനെത്തിയത്.
പ്രിയക്ക് ലഭിച്ച പ്രശസ്തിയുടെ അടിസ്ഥാനത്തില്‍ പ്രിയ വാര്യര്‍ എന്ന നടിക്ക് അമിത പ്രാധാന്യം നല്‍കി ചിത്രം പ്രമോട്ട് ചെയ്യാന്‍ സംവിധയകന്‍ ശ്രമിച്ചതായും വിമര്‍ശനങ്ങള്‍ ഉയര്‍ന്നിരുന്നു.
ഒമര്‍ ലുലു തന്നെ സംവിധാനം ചെയ്ത ചങ്ക്സ് എന്ന സിനിമയിലൂടെയാണ് നൂറിന് സിനിമയിലേക്ക് എത്തുന്നത്. ഇതിനുശേഷം അഡാര്‍ ലൗവിലും ചെറിയൊരു ട്രയല്‍ ഓഡീഷനില്‍ പങ്കെടുത്തിരുന്നു. അങ്ങനെയാണ് അഡാര്‍ ലൗവിലെ നായിക കഥാപാത്രമായി നൂറിന് എത്തുന്നത്.
2017 ല്‍ മിസ് കൊല്ലം ആയിരുന്ന താരം അതിനു ശേഷം ഒരു വര്‍ഷം കഴിഞ്ഞപ്പോഴാണ് മിസ് കേരളയുടെ കോംപറ്റീഷനില്‍ പങ്കെടുക്കുന്നതും വിജയിക്കുന്നതും. മോഡലിംഗില്‍ താത്പര്യമുണ്ടായിരുന്നുവെങ്കിലും സിനിമ തന്നെയായിരുന്നു നൂറിന്റെ ആഗ്രഹം. പ്രിയയെക്കാള്‍ മികച്ച പ്രകടനമാണ് താരം കാഴ്ചവെച്ചിരിക്കുന്നത് എന്നാണ് പ്രേക്ഷകര്‍ അഭിപ്രായപ്പെടുന്നത്. സാമൂഹിക മാധ്യമങ്ങളില്‍ ഹിറ്റുകള്‍ അനവധി തീര്‍ത്ത ഡബ്ബ്മാഷ് താരം കൂടിയാണ് നൂറിന്.
Discussion about this post