ഫഹദ് ഫാസില്‍ നായകനായി എത്തുന്ന ഏറ്റവും പുതിയ ചിത്രം ‘അതിരന്‍’-ന്റെ ഫസ്റ്റ് ലുക്ക് പോസ്റ്റര്‍ പുറത്ത് വിട്ടു. മോഹന്‍ലാല്‍ തന്റെ ഫേയ്‌സ് ബുക്ക് പേജിലൂടെയാണ് ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്ത് വിട്ടിരിക്കുന്നത്.
വിവേക് കഥയും സംവിധാനവും നിര്‍വഹിച്ചിരിക്കുന്ന ചിത്രത്തില്‍ ഫഹദ് വേറിട്ടൊരു കഥാപാത്രവുമായാണ് പ്രത്യക്ഷപ്പെടുന്നത്. സായ് പല്ലവിയാണ് ചിത്രത്തില്‍ നായികയായി എത്തുന്നത്. ഈമയൗ എഴുതിയ പിഎഫ് മാത്യൂസാണ് അതിരന്റെ തിരക്കഥ എഴുതിയിരിക്കുന്നത്. ഒരിടവേളക്ക് ശേഷം സെഞ്ച്വറി ഇന്‍വെസ്റ്റ്‌മെന്റ് നിര്‍മ്മാണ മേഖലയിലേക്ക് തിരിച്ചെത്തുന്ന ചിത്രം കൂടിയാണ് അതിരന്‍. അതുല്‍ കുല്‍ക്കര്‍ണി, പ്രകാശ് രാജ്, രഞ്ജി പണിക്കര്‍ എന്നിവരും ചിത്രത്തില്‍ പ്രധാന കഥാപാത്രങ്ങളായി വരുന്നുണ്ട്.
അനു മൂത്തേടത്ത് ഛായാഗ്രഹണവും അയൂബ് ഖാന്‍ എഡിറ്റിഗും നിര്‍വ്വഹിച്ചിരിക്കുന്നു. സംഗീതം ജയഹരിയും നിര്‍വഹിച്ചിരിക്കുന്നു. ഏപ്രിലോടെ ചിത്രം റിലീസിനെത്തും.
Discussion about this post