മല്ലുസിംഗിലെ ഉണ്ണി മുകുന്ദന്റെ സര്‍ദാര്‍ കഥാപാത്രത്തിന് ശേഷം മലയാളത്തില്‍ വീണ്ടുമൊരു സര്‍ദാര്‍ കൂടി എത്തുന്നു. ഇത്തവണ സര്‍ദാറിന്റെ വേഷത്തിലെത്തുന്നത് കാളിദാസ് ജയറാമാണ്. ‘ഹാപ്പി സര്‍ദാര്‍’ എന്നാണ് ചിത്രത്തിന്റെ പേര്. ‘ഹാപ്പി സിംഗ്’ എന്നാണ് ചിത്രത്തിലെ കാളിദാസന്റെ കഥാപാത്രം. മെറിനാണ് ചിത്രത്തിലെ നായിക.
ഒരു ക്രിസ്ത്യാനി പെണ്‍കുട്ടിയും സര്‍ദാര്‍ യുവാവും തമ്മിലുള്ള പ്രണയ കഥയാണ് ചിത്രത്തിന്റെ ഇതിവൃത്തം. ജാവേദ് ജഫ്‌റി, സിദ്ധിഖ്, സുരാജ് വെഞ്ഞാറന്മൂട്, ശ്രീനാഥ് ഭാസി, ബാലു വര്‍ഗീസ്, പിഷാരടി , ഹരീഷ് കണാരന്‍, ധര്‍മജന്‍, ബൈജു, ശാന്തി കൃഷ്ണ, പ്രവീണ തുടങ്ങിയ വന്‍താരനിര തന്നെയുണ്ട് ചിത്രത്തില്‍.
ദമ്പതികളായ സുദീപും ഗീതികയും ചേര്‍ന്നാണ് ചിത്രം എഴുതി സംവിധാനം ചെയ്യുന്നത്. ഗോപി സുന്ദറാണ് ചിത്രത്തിന്റെ സംഗീത സംവിധാനം. അച്ചിച്ച സിനിമാസിന്റെ ബാനറില്‍ ഹസീബ് ഹനീഫ് ആണ് ചിത്രം നിര്‍മ്മിക്കുന്നത്.
Discussion about this post