സമൂഹമാധ്യമങ്ങളില്‍ വൈറലായിരിക്കുകയാണ് ഒരു കാലത്തെ ബോളിവുഡിലെ സൂപ്പര്‍താരം തനൂജ മുഖര്‍ജിയുടെയും മകള്‍ തനിഷയുടെയും ചിത്രം. വിവാഹ ശേഷം തനൂജ മുഖര്‍ജി ചലച്ചിത്ര ലോകത്ത് നിന്നും മാറിനിന്നിരുന്നെങ്കിലും മക്കളായ കാജോളും തനിഷയും ചലച്ചിത്ര ലോകത്തേക്ക് വന്നു.
ഇപ്പോഴിതാ അന്‍ഡമാനില്‍ അവധി ആഘോഷിക്കുന്ന അമ്മയുടെയും മകളുടെയും ചിത്രം ഏറ്റെടുത്തിരിക്കുകയാണ് സമൂഹമാധ്യമങ്ങള്‍. തനിഷ തന്റെ ഇന്‍സ്റ്റഗ്രാം അക്കൗണ്ടിലൂടെയാണ് ചിത്രം പങ്കുവെച്ചിരിക്കുന്നത്. ചിത്രത്തിനൊപ്പം വിഖ്യാത എഴുത്തുകാരന്‍ റുഡ്യാര്‍ഡ് കിപ്ലിംഗിന്റെ കവിതാശകലവും തനിഷ പോസ്റ്റ് ചെയ്തിട്ടുണ്ട്.