ജെനൂസ് മുഹമ്മദിന്റെ സംവിധാനം ചെയ്ത പൃഥ്വിരാജ് ചിത്രം നയന്‍ തിയേറ്ററുകളില്‍ എത്തിയിരിക്കുകയാണ്. സയന്‍സ് ഫിക്ഷന്‍ ഹൊറര്‍ വിഭാഗത്തില്‍പ്പെടുന്ന ചിത്രത്തിന് മികച്ച പ്രതികരണമാണ് ലഭിച്ചു കൊണ്ടിരിക്കുന്നത്. ചിത്രം പ്രേക്ഷകനെ അത്ഭുതപ്പെടുത്തുന്നതാണെന്നാണ് സോഷ്യല്‍ മീഡിയ പ്രതികരണം.
ഇപ്പോഴിതാ ചിത്രം കണ്ട് സംശയമുന്നയിച്ച ആരാധകന് പൃഥ്വിരാജ് കൊടുത്ത ഒരു മറുപടിയാണ് സോഷ്യല്‍ മീഡിയയില്‍ വൈറലാവുന്നത്.
താന്‍ ചിത്രം കണ്ടു എന്നും, കണ്ടു കഴിഞ്ഞപ്പോള്‍ ആകെ മൊത്തം ഒരു കണ്‍ഫ്യൂഷനായെന്നം ക്ലൈമാക്സ് തനിക്കൊന്നു വിശദീകരിച്ചു തരാമോ എന്നുമായിരുന്നു ഒരു ആരാധകന്റെ ചോദ്യം.
അതിന് പൃഥ്വി നല്‍കിയ മറുപടി ഇങ്ങനെ.. ‘ ചിത്രം ഒന്ന് കൂടി കണ്ടാല്‍ മതി, അപ്പോള്‍ പോയ കിളി തിരിച്ചു വന്നോളും’. ചിത്രം കണ്ടതിനു വളരെ നന്ദിയെന്നും പൃഥ്വി ആരാധകനു നല്‍കിയ നല്‍കിയ മറുപടിയില്‍ കുറിച്ചു.