ആലപ്പുഴ: ലാളിത്യത്തിന്റെയും എളിമയുടെയും കാര്യത്തില്‍ യുവതാരം ദുല്‍ഖര്‍ സല്‍മാനെ വെല്ലാനാകില്ലെന്നാണ് പലസംഭവങ്ങളും കാണിക്കുന്നത്. ഇതിനിടെയിലാണ് താരത്തിന്റെ ആരാധകരോടുള്ള സ്‌നേഹം തെളിയിക്കുന്ന മറ്റൊരു വീഡിയോ സോഷ്യല്‍മീഡിയയുടെ മനംകവരുന്നത്.
‘ഇക്ക നിങ്ങളെങ്ങോട്ടാ..’ തുറന്ന കാറില്‍ പറന്ന് പോവുകയായിരുന്ന ദുല്‍ഖറിനെ കണ്ടതോടെ ഒപ്പം ചവിട്ടിപിടിച്ച് ഓടിയെത്തിയ ബൈക്കിലെ യുവാക്കളുടെ ചോദ്യം ഇങ്ങനെയായിരുന്നു. കാറിനുള്ളില്‍ നിന്നും കേട്ടുപരിചയിച്ച ശബ്ദത്തില്‍ മറുപടിയും വന്നു. ‘കുമരകം വരെ..’. നിമിഷങ്ങള്‍ക്കുള്ളിലാണ് ഈ വീഡിയോ സോഷ്യല്‍ മീഡിയയില്‍ വൈറലായത്.
തിരക്കുള്ള റോഡിലൂടെ തുറന്ന കാറില്‍ പോവുകയായിരുന്ന ദുല്‍ഖറിനെ ബൈക്കിലെത്തിയ യുവാക്കളാണ് ശ്രദ്ധിച്ചതും പിന്തുടര്‍ന്ന് വീഡിയോ എടുത്തതും.ഏതായാലും ഈ വിഡിയോ സോഷ്യല്‍ ലോകത്തു വൈറലായിരിക്കുകയാണ്.
Discussion about this post