ദേശീയപുരസ്‌കാര ജേതാവ് സുരാജ് വെഞ്ഞാറമൂടിനെ നായകനാക്കി സ്‌നേഹജിത്ത് ഒരുക്കുന്ന എറ്റവും പുതിയ ചിത്രം ദൈവം സാക്ഷി. ചിത്രത്തിന്റെ ട്രെയ്‌ലര്‍ ഉടന്‍ റിലീസ് ചെയ്യും. കലാഭവന്‍ മണിയെ നായകനാക്കി 2014 ല്‍ പ്ലാന്‍ ചെയ്ത ചിത്രമാണ് ഇപ്പോള്‍ സുരാജിനെ നായകനാക്കി ഒരുക്കുന്നത്.
പ്രവാസ ജീവിതം അവസാനിപ്പിച്ച് നാട്ടിലെത്തുന്ന ഇക്ബാല്‍ എന്ന കഥാപാത്രം നാട്ടിലൊരു കച്ചവടം തുടങ്ങുന്നതും ഇതിന്റെ തകര്‍ച്ചയും മറ്റുമാണ് വിഷയം. ബിജുക്കുട്ടന്‍, മധുപാല്‍, തുടങ്ങിയവരാണ് മറ്റു പ്രധാന കഥാപാത്രങ്ങള്‍ കുടാതെ സുനില്‍ സുഖദ, മജീദ്, ബാലാജി, ഡുഡി, രേഖാമേനോന്‍, ശാന്തകുമാരി, കുളപ്പുള്ളി ലീല,അംബിക മോഹന്‍ തുടങ്ങി വന്‍ താരനിരങ്ങള്‍ തന്നെ ചിത്രത്തില്‍ ഉണ്ട്. എസ് പി വെങ്കിടേഷ് സംഗീതം ഒരുക്കുന്ന ചിത്രം ജനുവരിയില്‍ തീയ്യേറ്ററുകളില്‍ എത്തിച്ചേരും .
Discussion about this post