താരപുത്രന്‍ പ്രണവ് മോഹന്‍ലാലിന്റെ പുതിയ സിനിമ 20ാം നൂറ്റാണ്ടിന്റെ ഷീട്ടിങ് വിശേഷങ്ങള്‍ പങ്കുവെച്ച് സംവിധായകന്‍ അരുണ്‍ ഗോപി.. എത്രകേട്ടാലും മതിവരാത്ത ഈ വിശേഷങ്ങള്‍ക്കിടയില്‍ ചെറിയ വിഷമവും ആരാധകരെ മുള്‍ മുനയില്‍ നിര്‍ത്തുന്നതുമായ സംഭവങ്ങള്‍ അരങ്ങേറി. സിനിമയിലെ ആക്ഷന്‍ രംഗങ്ങളെക്കുറിച്ചായിരുന്നു സംവിധായകന്റെ വെളിപ്പെടുത്തല്‍.
അരുണ്‍ ഗോപിയുടെ വാക്കുകള്‍…
‘ഞങ്ങള്‍ കടലില്‍ ഷൂട്ട് ചെയ്തുകൊണ്ടിരിക്കുകയാണ്. വരുന്ന ഷോട്ടില്‍ ജെറ്റ് സ്‌കി വേഗത്തില്‍ ഓടിച്ചുവന്ന് അതില്‍നിന്ന് കടലിലേക്ക് എടുത്തു ചാടണം. പ്രണവിന് കടലിലെ സാഹസികതയൊക്കെ ഒരുപാട് ഇഷ്ടമാണ്. ഞങ്ങള്‍ വളരെ സൂക്ഷ്മതയോടെ ബോട്ടില്‍ ക്യാമറ സെറ്റ് ചെയ്തു വച്ചു. ഞാന്‍ പ്രണവിനോട് പറഞ്ഞത് ജെറ്റ് സ്‌കി ഓടിച്ചുവന്ന് പതുക്കെ കടലിലേക്ക് ചാടണം എന്നാണ്. എന്നാല്‍ പ്രണവ് ഞങ്ങളെ ഞെട്ടിച്ചു കളഞ്ഞു.
പ്രണവ് ജെറ്റ് സ്‌കി വേഗത്തില്‍ ഓടിച്ചു വന്നു. സമ്മര്‍ സാള്‍ട്ട് അടിച്ചു കടലിലേക്കു ചാടി. എല്ലാവരും ഞെട്ടിപ്പോയി. ജെറ്റ് സ്‌കിയില്‍ ഘടിപ്പിച്ചിരിക്കുന്ന ഒരു ചെറിയ കേബിള്‍ ഉണ്ട്. അത് ഉള്‍പ്പെടെയാണ് പ്രണവ് കടലിലേക്ക് ചാടിയിരിക്കുന്നത്. ആ കേബിള്‍ പൊട്ടിപ്പോയി. പ്രണവ് കടലിനടിയിലേക്ക് താണുപോയി. ഞങ്ങള്‍ എല്ലാവരും അന്തംവിട്ടുനിന്നു. പക്ഷെ, പുള്ളി കൂളായി കയറിവന്നു. ആ നിമിഷം ഒരിക്കലും മറക്കാന്‍ കഴിയില്ല.”
Discussion about this post