ഹിറ്റ് ചിത്രം ഗോദയ്ക്ക് ശേഷം സംവിധായകന്‍ ബേസില്‍ ജോസഫും ടൊവീനോയും വീണ്ടും ഒന്നിക്കുന്നു. ‘മിന്നല്‍ മുരളി’ എന്നാണ് ചിത്രത്തിന്റെ പേര്. കഴിഞ്ഞ ദിവസം തന്റെ പിറന്നാള്‍ ദിനത്തില്‍ ടൊവീനോ തന്നെയാണ് പുതിയ ചിത്രത്തിന്റെ പ്രഖ്യാപനം നടത്തിയത്.
തന്റെ ഫേസ്ബുക്ക് പേജിലൂടെയാണ് താരം പുതിയ ചിത്രത്തിന്റെ വിശേഷം പങ്കുവെച്ചത്. ഒരു നാടന്‍ സൂപ്പര്‍ ഹീറോ ചിത്രമാകും മിന്നല്‍ മുരളി എന്നാണ് ടൊവീനോ ചിത്രത്തെ കുറിച്ച് പറഞ്ഞിരിക്കുന്നത്. സോഫിയ പോള്‍ ആണ് ചിത്രം നിര്‍മ്മിക്കുന്നത്. അധികം വൈകാതെ തന്നെ ചിത്രത്തിന്റെ കൂടുതല്‍ വിവരങ്ങള്‍ പുറത്തുവിടുമെന്ന് താരം വ്യക്തമാക്കി.
Discussion about this post