നിവിന്‍ പോളി നായകനായി എത്തുന്ന ഏറ്റവും പുതിയ ചിത്രം മൂത്തോന്റെ ടീസര്‍ പുറത്തിറങ്ങി. നീണ്ട നാളത്തെ കാത്തിരിപ്പിന് വിരാമമിട്ട് കൊണ്ടാണ് അണിയറപ്രവര്‍ത്തകര്‍ ടീസര്‍ പുറത്ത് വിട്ടിരിക്കുന്നത്. ഗീതു മോഹന്‍ദാസ് മലയാളത്തില്‍ ആദ്യമായി സംവിധാനം ചെയ്യുന്ന ചിത്രമാണ് മൂത്തോന്‍. ലയേര്‍സ് ഡൈസാണ് ഗീതു മോഹന്‍ദാസിന്റെതായി പുറത്ത് വന്ന അവസാന ചിത്രം.
ലക്ഷദ്വീപില്‍ ജനിച്ച് വളര്‍ന്ന ഒരു 14 വയസ്സുകാരന്‍ തന്റെ മൂത്ത സഹോദരനെ തേടിയിറങ്ങുന്നതിലൂടെയാണ് സിനിമ മുന്നോട്ട് പോകുന്നത്. വലിയ ടീമാണ് മൂത്തോന്റെ അണിയറയില്‍ ഉള്ളത്. ഛായാഗ്രഹണം രാജീവ് രവിയും എഡിറ്റിംഗ് അജിത് കുമാറും കുണാല്‍ ശര്‍മ്മ ശബ്ദമിശ്രണവും സാഗര്‍ ദേശായി സംഗീതവും നിര്‍വഹിക്കുന്നു. ലക്ഷദ്വീപിലും കേരളത്തിലും മുംബൈയിലുമായി ചിത്രീകരണം പൂര്‍ത്തിയാക്കിയ സിനിമയുടെ ഹിന്ദി സംഭാഷണങ്ങള്‍ ഒരുക്കിയിരിക്കുന്നത് പ്രശസ്ത സംവിധായകനും സിനിമയുടെ നിര്‍മ്മാതാക്കളിലൊരാളുമായ അനുരാഗ് കാശ്യപാണ്.
Discussion about this post